لەپەراوێزی پێشنیازە قانونییە هەڵپەسێراوەکەی رێكخستنی میدیای یٔەلکترۆنی
لە چەند رۆژی رابردودا لەسەر پێشنیازە قانونیی رێکخستنی میدیای یٔەلکترۆنی لە هەرێمی کوردستان - عێراق , هەلڵایەکی گەورە دروست بو لە نێوەندە روناکبیریی و رۆژنامە گەرییەکاندا , سەرەنجام گوشارێكی تەواو خرایە سەر پەرلەمانی کوردستان و پەرلەمانتاران کە یٔەو پرۆژە و پێشنیازە قانونییە پەسەند نەکرێت ,کە خۆشبەختانە گوشارەکان جێی خۆیان گرت و پاشەکشێ کرا و هەڵپەسێردرا . لەگەڵ یٔەوەی ناچمە ناو بۆشایی و کەموکورتییە قانونییەکانی یٔەو پێشنیاز و پرۆژەیە و بۆ قانون زان و قانون ناسەکان خۆیانی جێدێڵم , بەڵام پیرۆزبایی گەرم لە هاوپیشە یٔازا گۆ و قەڵەم بوێرە رەسەنەکانی بواری رۆژنامەگەریی یٔەکەم کە دەروازە و پانتایی یٔازادیی بیرو بۆچونیان لەبەردەمدا تەسك نەکرایەوە . رۆژنامە نوس و خاوەن قەڵەمە قاڵبوەکان هەمیشە مافی خۆیانە کە بەیٔازادانە بدوێن و دەنگی خەڵك بگەیەنن بە کاربەدەستان ,یٔەو یٔازادییەی کە لەگەڵ هاتنە دنیای هەر مرۆڤێكدا بۆی دەستەبەر کراوە ,هەر بۆیە رابەری مەزنی دیموکراسیی سەرۆك مامجەلال هەمیشە داوای نان و یٔازادیی بۆ نوسەر و یٔەدیب و روناکبیر و رۆژنامە نوسانی یٔەکرد لەگەڵ پێویستیی دابین کردنی یٔازادییەکان بۆ کۆمەڵانی خەڵك, تەنانەت مامی خۆمان لە کاتی داڕشتنی دەستوریی عێراقدا لە ساڵی 2005 لێ نەگەڕا پێویستیی رەچاو کردنی پرەنسیبەکانی دیموکراسیی و ماف و یٔازادییە بنەڕەتییەکان فەرامۆش بکرێت لە کاتی قانونگوزاریی و داڕشتنی هەر قانونێكدا, بۆیە لە مادەی دوەمدا لەپاڵ دەستەواژەی" رێگە نەدان بە داڕشتنی هەرقانونێك کە دژی یٔەحكامە نەگۆڕەکانی یٔیسلام بێت " بڕگەی ب و ج چەسپاند کە 'نابێت قانونەکان دژ بە پرەنسیبەکانی دیموکراسیی و ماف و یٔازادییە سەرەکییەکانیش بن".
هەمو خەڵك لەم سەری چەپەوە تا یٔەوسەری راست , بە خوێنەوار و نەخوێنەوارەوە قسەی خۆیان کرد کە نابێت روبەرو پانتایی یٔازادییەکان تەسك بکرێتەوە , تەنانەت یٔەوەیشی لە وڵاتانی یٔەوروپا و یٔەمریکاش سنورێكی هەیە نابێت لە هەرێمەکەی لەمەڕ کورد سنوردار بکرێت . چونکە حكومەتەکەی هێندە خراپە , سیستمەکەی هێندە شکست خواردو و دواکەوتوە , هێندە ناعەدالەتیی هەیە بۆیە بۆی نییە دەخالەت بکات ,بەڵام هیچ کەس زاتی نەکردوە کە بڵێت یٔەبێت یٔازادییەکانی پەیوەست بە رەخنەگرتن لە یٔایینیش بە هەمان شێوە بڤە نەبێت بە بیانوی پیرۆزیی و وتەی خوداوەند کۆت و بەندی بۆ دانەنرێت سنوردار نەکرێت , وەڵامدانەوە و رونکردنەوە بۆ دەقەكانی قوریٔان, وەستاندنی مەلای مزگەوتەکان لە هێرشكردنەسەر ژیانی مەدەنیی, وەستاندنی دەستوەردانی مزگەوت لە کاروباری ژیانی خەڵك, کۆتایی هێنان بە هەژمونی یٔاین لە پەروەردە و فێرکردندا , رێگەدان بە هەموار کردنەوەی قوریٔان بە جۆرێك کە لە دەقە بەسەرچوەکان و کۆنەکان پاك بکرێتەوە تا بگونجێنرێت لەگەڵ سەردەمدا و چەندین هەنگاوی تری شارستانیی بۆ نوسەران و روناکبیران دەستەبەر بکرێت , تا کۆتایی بهێنرێت بەو دەست و زمان بەستنەی رۆژنامە نوس و روناکبیران کە بە بیانوی داب و نەریت و رێزگرتن لە هەستی خەڵك بەسەریاندا سەپێنراوە .