دە سوودی ماسی سەلەمون بزانە
ماسی سەلەمون بە دەوڵەمندترین ژەمە خۆراك دادەنرێت لەسەر زەوی
سایتی " هلیس لاین" ی تایبەت بە تەندروستی گرنگترین ئەو سوودانەی خستوەتە روو كە لە خواردنی ماسی سەلەموندا سوود بە جەستەی مرۆڤ دەگەێنێت كە بریتین لە:
1-ماسی سەلەمون دەوڵەمەندە بە رۆنی ئۆمیگا 3 كە سوودی زۆری بۆ جەستە هەیە و لاشەی مرۆڤ ناتوانێت ئەو جۆرە رۆنە درووست بكات.
2-سەرچاوەیەكی زۆر باشە بۆ پرۆتین كە ژەمە خۆراكێكی سەلەمون نزیكەی 22_25 گرام پرۆتینی تێدایە.
3- دەوڵەمەندە بە ڤیتامین بی كە سوودی هەیە بۆ مێشك و كۆئەندامی مێشك و خۆراك دەكاتە ووزە بۆ جەستەی مرۆڤ.
4- دەوڵەمەندە بە ماددەی پۆتاسیۆم كە سوودی هەیە بۆ كۆنترۆڵكردنی فشاری خوێن و مەترسی تووشبوون بە جەڵتەی مێشك كەم دەكاتەوە.
5- دەوڵەمەندە بەماددەی سیلینیۆم كە پارێزگاری لە تەندروستی ئێسقان و مەترسی تووشبون بە شێرپەنجە كەم دەكاتەوە.
6- دەوڵەمەندە بەماددەی دژە ئەكسەدو كە مەترسی تووشبون بە نەخۆشیەكانی دڵ كەم دەكاتەوە.
7- خواردنی گۆشتی ماسی سەلەمۆن بە رێكوپێكی لەشی مرۆڤ دەپارێزێت لە تووشبوون بە نەخۆشیەكانی دڵ چونكە گۆشتی ماسی سەلەمۆن بڕێكی زۆر ماددەی ئۆمێگای سێی تێدایە.
8- یارمەتیدەرە بۆ پاراستنی كێش و رێكخستنی ئیشی هۆرمۆنەكانی جەستە و كۆنترۆڵكردنی برسیەتی و هەست بە تێریی دەكەیت.
9- یارمەتیدەرە بۆ دژایەتی كردنی تووشبوون بە هەوكردنی جەستە
10- خواردنی گۆشتی ماسی سەلەمۆن تەندروستی مێشك دەپارێزێت و بەگوێرەی لێكۆڵینەوەكان خواردنی گۆشتی ماسی سەلەمۆن پارێزگاری دەكات لە سیستمی خۆراكی و پاراستنی مێشك و باشتركردنی ئیش وكارەكانی مێشك.