وتار

هاوکار فایەق

جەنگی ماسكیش بەڕێوەیە

06/04/2020

بەڕاستی كاتێك گوێبیستی ئەو هەواڵە بووم سەرم سوڕما كە چۆن وڵاتە زلهێزەكانی جیهان كەوتونەتە دزینی ماسكی یەكتر و دەستبەسەرداگرتنی پێداویستیە پزیشكییەكانی یەكتر ، بۆ دەستكەوتنی چەند كاڵایەكی پزیشكی  ئامادەن هەموو پەیوەندیە نێودەوڵەتیەكان و دیپلۆماسیەكانی نێوانیان بخەنە مەترسیەوە .
هەمومان دەزانین ئێستا لەجیهاندا بەهۆی بڵاوبونەوەی ڤایرۆسی كۆرۆنا ئەو كاڵایانە قەیرانیان بۆ دروست بوە بەڵام ئەمە نابێتە ئەوەی كە وڵاتێكی زلهێز مافی وڵاتێكی لاواز بخوات و دور لەپرەنسیپە نێو دەوڵەتیەكان مافیا ئاسا هەڵ بكوتنە سەر بازاڕەكانی جیهان و بەزۆر دەست بەسەر پێداویستیە پزیشكیەكاندا بگرن.
ئێستا ئەمریكا بەهۆی ئەوەی كە نەخۆشیەكە بەشێوەیەكی فراوان تێیدا بڵاو بۆتەوە بەهەمو شێوەیەك هەوڵ دەدات زۆرترین كەرەستە و پێداویستی پزیشكی بۆ هاوڵاتیانی دابین بكات ، بۆ ئەوەی هەر هیچ نەبێـت ژمارەی توشبوانی كەم بكاتەوە. بەڵام ئەمە نابێت لەسەر حسابی وڵاتێكیتر بێت چونكە ئەو وڵاتانەی تریش هاوڵاتیەكانی مرۆڤن و ناكرێت پەراوێز بخرێن.
وەزیری ناوخۆی ئەڵمانیا ( ئەندرێس جێسڵ) دەڵێت ژمارەیەك ماسك و پێداویستی پزیشكیمان لەچین كڕیوە بەڵام فڕۆكەكە لەوڵاتی تایلەند نیشتۆتەوەو ، دواتر بۆمان دەركەوتوە كە لەلایەن ئەمریكاوە بە3 قاتی نرخەكەی كڕدراوەتەوە، ئەمەش پێچەوانەی یاسا نێو دەوڵەتیەكانە و ئەمەش مۆدێلێكی چەتەگەری نوێیە لەلایەن ئەمریكاوە بەرانبەر وڵاتانی جیهان.
بەرپرسانی فەرەنساش دەڵێن داوای 1 ملیار ماسكمان لەوڵاتی چین كردوە و بەنیازین لەڕێگە ئاویەكانەوە بیگوازینەوە ، تەنها بەم ڕێگایە دڵنیا دەبینەوە لەوەی ئەمریكا ماسكەكانمان لێنادزێت.
بەرپرسانی وڵاتانی ئەوروپاش بەگشتی ڕەخنەی زۆریان لەڕێكخراوی تەندروستی جیهانی گرتوە و دەڵێن دەبێـت ئەو كەرەستە و پێداویستییە پزیشكیانە بەشێوەیەكی دادپەروەرانە دابەش بكرێت و ڕێز لەپەیوەندیە نێو دەوڵەتیەكان بگیرێت و ئەمریكاش بەرپرسیارانە مامەڵە لەگەڵ دۆخەكە بكات.
بەرپرسێكی ئیسپانیاش دەڵێت 6 ملیۆن ماسك و پێداویستی پزیشكی كە لەچینەوە بۆ ئیسپانیا و ئیتاڵیا هاتبون لەفەرەنسا دەستیبەسەردا گیراوە  ، بەڕاستی ئەم جۆرە مامەڵانە لەو وڵاتانە ناوەشێـەوە، دەبێـت ڕێكخراوی تەندروستی جیهانی سەبارەت بەو بابەتانە ڕونكردنەوە بدات و سزای ئەو وڵاتانە بدات كە دزی لەوڵاتانی تردەكەن.
هەر وڵاتێك ئەویتر تاوانبار دەكات لەدزینی پێداویستی پزیشكی و هۆشداریش دەدەن لەتێكچونی پەیوەندیە دیپلۆماسیەكانی نێوانیان و هەڕەشەی توندیش لەیەكتری دەكەن .
بەڕاستی سەیرە ئەمە حاڵی ئەو وڵاتە زلهێز و خاوەن ئابوری و داراییە  باشانە بێـت ئەی ئێمەو هاوشێوەی وڵاتانی ئێمە چۆن بتوانین ئەو كەرەستانە دابین بكەین، ئەبێت هەمومان خوازیاری ئەوەبین ئەم دۆخە زوو كۆتایی بێـت دەنا دەبێت بڕیاری نەوت بەرانبەر ماسك  جێبەجێبكرێت،  
  

 

 
 

وتاری زیاتر

ژن و كۆرۆنا و كۆمەڵگە

هاوکار فایەق

ئایا كۆرۆنا ڕێی پێگیراوە ؟

هاوکار فایەق

بازاڕی ئۆنلاین لەسەردەمی كۆرۆنادا

هاوکار فایەق

شارەوانیەكانی هەرێم بێ ئاگان لە كۆرۆنا

هاوکار فایەق

مارك ڕوتتە و پاسكیلەكەشی دەبێـت سوپاسگوزاری دیموكراتی بن

هاوکار فایەق

ئەردۆگان عوسمانییەكی ئیخوانی و ئیخوانییەكی عوسمانی

هاوکار فایەق

فەهمی بورهان

یەک پارتی و دوو ڕوئیای جیاواز!

نسار شیخ مستەفا

یەكێتی دەبێت چی بكات ؟

چێنەر شەرعی

گەمەی زلهێزەکان لە رۆژهەڵاتی ناوەڕاست

محەمەد فاتیح

سه‌ركوتكردن له‌ سایه‌ی ئازادی و دیموكراسیدا

ئەحمەد محەمەد سەعید

١ی ئایار، جەژن یان شیوەنی کرێکاران؟

ماجد خەلیل

چۆن دەوڵەمەندبین!؟

نسار شیخ مستەفا

عێراق لە خۆپێشاندانەوە بۆ خۆبنیادنانەوە

ماجد خەلیل

ژن لە خەیاڵدانی دوو جۆر پیاودا!

د. کۆیار شێرکۆ

میدیا‌و مێشك (٢)

نەشوان ئەحمەد سەعید

حكومەتی سپارتا و حكومرانی لەهەرێمی كوردستان

ئەحمەد محەمەد سەعید

١ی ئایار جەژن یان شیوەنی کرێکاران؟

سەروەت تۆفیق

باشی و خراپیەكانی مەركەزیەت و لامەركەزیەتی ئیداری

د. کۆیار شێرکۆ

میدیا و مێشك (1)

نسار شیخ مستەفا

بۆچی لامەركەزیەت؟

د. کۆیار شێرکۆ

ئینزۆمنیا چییه‌؟

ئەحمەد محەمەد سەعید

١ ی ئایار، جەژن یان شیوەنی کرێکار؟

شێرکۆ میروەیس

ئایا چارەسەر لەبەغدایە ؟!

کەمال محەمەد

بێ باكی حكومەت و مانفێستی قەیرانەكان

ماجد خەلیل

رۆمی و رووداو!

نسار شیخ مستەفا

حكومەتی چارەنوسساز یان

د. هێرش رەسوڵ

لە ٢٢ی نیساندا.. هەڵوەستەیەکی جددیی لەسەر راگەیاندنی کوردی!