وتار

ئەحمەد محەمەد سەعید

کرێکار لەسێیەمین کۆنفراسی کۆمەڵەو چوارەمین کۆنگرەی یەکێتی

پێش 4 هەفتە

 

ئەحمەد محەمەد سەعید 
ئەندامی مەکتەبی تەنفیزی 
یەکێتی سەندیکاکانی کرێکارانی کوردستان

 

لەڕوانگەی بەشی دەیەم هەڵسەنگاندنی کتێبی ( من العالم الثالث الی الاول )  لەنوسینی هەڤاڵ مەلابەختیار دەمەوێت بەتیشکی نوسینەکانی بەڕێزیان ئەم بابەتەی خۆم دەوڵەمەند بکەم و هەندێ لەبیرەوەری کۆنفرانسی کۆمەڵەی ڕەنجدەرانی کوردستان و بۆچونی بەندە لەسەر بەستنی چوارەمین کۆنگرەی یەکێتی بخەمەڕوو.
لەتەموزی ساڵی ١٩٨٤ لەبناری چیای پیرەمەگرون لە هەواری کانی سێو بەبەشداری ٢٨٧ ئەندام سێیەمین کۆنفرانسی کۆمەڵە بەسترا ، سەردەم سەردەمی شاخ بوو هێزەکانی پێشمەرگەی کوردستان لەقۆناغی ڕزگاری نیشتمانیدابوو ، خەبات خەباتی سیاسی و چەکداری ڕادیکاڵانەیە .
 ئەوەی جێگای تێڕامانی ئێمەی چالاکەوانانی کرێکارانە کەئەو کۆنفرانسە لەکاتێکدا بەسترا پێشکەوتنە زانستیەکان بەوشێوە خێرایەی ئێستا دنیای دانەپۆشیبوو بەئاستەم لەڕێگای سادەترین ئامێری دەنگی و ڕەنگی دەتوانی بەشێکی کەمی پێشکەوتنەکانی دنیا ببینیت، کەچی بەشداربووانی کۆنفرانسەکە  ٥٤ کرێکارو ٧ جوتیارو بەبەشداری ژنان و کاسبکارو موچەخۆری بچوک و گەورە بوون .
جوارەمین کۆنگرەی یەکێتی لەکۆتایی ساڵی ٢٠١٩ بەسترا ، هەرجەندە زروف و زەمانی ئێستاو ئەوسا  زۆر جیاوازن هەر لە پێشکەوتنە خێراکانی  ،( زانستی تەکنەلۆجیا  ، پێشکەوتنی ئامێرەکان پەیوەندی ، پێشکەوتنی ئامێرو پێداویست کشتوکاڵی و بەرهەمهێنان ، گەورەبوونی شارەکان ، ئاڵوگۆڕەبازرگانیەکان ، ڕۆبۆتە پڕۆگرامسازەکان ، پێشکەوتن و بەرهەمهێنانی چەک و چۆڵ و دەیانیتر ) .
یەکێتی نیشتمانی کوردستان وەک حزبیکی سۆسیال دیموکرات چوارەمین کۆنگرەی بەسەرکەوتوویی بەست ، بەڵام بەبێ بەشداری کرێکارو جوتیارو پیشەوەرو کاسبکار بەشێوازێکیتر بەبێ گرنگیدان بە ڕێکخراوە دیموکراتەکان ، ئێمەی چالاکەوانی کرێکاران وێڕای تێبینیەکانمان لەسەر بەشداری پێنەکردنی تاکە نوێنەرێکی کرێکاران لەکۆنگرەکەدا ، بەپێچەوانەی ڕوئیای سۆسیال دیموکراتەکان کەهیچ کۆنگرەیەک بەبێ بەشداری ڕێکخراوە کرێکاریەکان نابەستن ، لەگەڵ ئەوەشدا کرێکاران دەتوانن دەوری بڕیاردەری سەرەکی کۆنگرەکەبن یاخود دەبنە گرەنتی سەرکەوتنی  هەر ڕێچکەو ڕێبازێک کەلەبەرژەوەندی کرێکاران بڕیار بدەن .
بەداخەوە کەلەم کاتەی ئێستای یەکێتی سەندیکاکانی کرێکارانی کوردستان نەتوانیومانە فشارێک بین بۆسەر حکومەت و پارتەسیاسیەکان و خاوەکارەکان بەتایبەت ئەوانەی کرێکار دەچەوسێننەوە ، نە حزبیش وەک پێویست نرخ و بەها بەسەندیکاکان دەدەن ، بێگومان هۆکاری سەرەکی سەندیکاکانی کرێکاران و حزبن ، لەبەر ئەم جەندهۆکارە ....
١ - ناردنی کادری نەشارەزا بۆڕابەرایەتیکردنی چینی کرێکاران .
٢ -شوێن دۆزینەوە بۆ کادر نەک کادر دۆزینەوە بۆشوێن .
٣ -دەخالەتی حزبی کەسانی سیاسی بەجۆرێک لەگەڵ خواستی کرێکاران یەک ناگرنەوە .
٤ - کورد ئەڵێت ( نەکردەکاران مەبەن بۆکاران ، دەیان بەن پێیان مەسپێرن کاران ) ئەم پەندە پێچەوانەبۆتەوە نەکردەکاران پێیان سپێردراوون کاران .
٥ - نەشارەزایی زۆرێک لە هەڵسوڕاوان و بڕیاربەدەستەکان و ڕێگەگرتن لە کەسانی شارەزاو چالاکوانی کرێکاران .
٦ -نەبوون یان نەڕەخساندنی هەلێکی دروست تاکو کەسانی شارەزابتوانن دەوری خۆیان بگێرن .
٧ - پشگیری وتەزکیەی حزبی کاریگەری خراپی لەسەر ڕەوتی سەندیکاکانی کریکاران هەبووە .
٨ - سەندیکاکانی کرێکاران نەبوونەتە شوێنی بەرهەمهێنان و دروستکردنی کادری نیقابی .
٨ - لەهەمووی خراپتر دەستەمۆبوونی کادری سەندیکاکان بەخواست و بڕیاری پارتە سیاسیەکان و لەدەسدانی ئازادی کارو هەڵسوڕاندنی کادری نقابی.
 ئەمانەو دەیان خاڵی لاوازتر کەوایکردوە سەندیکاکانی کرێکاران لەجیاتی بەرەوپیشبڕۆن کەچی بەخێراییەکی زۆر لەپاشەکشەدان . بەڕێز کاک بەختیار ئێوە کەسێکی قاڵبووی ڕێکخراوە دیموکراتی و سەندیکاکانی کرێکارانن ، هەربۆیە بەتەواوی پشگیری خۆم بۆ نوسینەکەت دەردەبڕم .
هەرچەندەکرێکاران بەشدار نەبوون لەچوارەمین کۆنگرە  هەرگیز هێزێکی جەماوەری گەورەی وەک یەکێتی کرێکاران و ڕێکخراوەدیموکراتیەکان پشت گوێ ناخات و دڵنیام کە بەرنامەو پڕۆژەی بۆ کرێکاران دەبێت ، ئومێدیش دەخوازین کە کەسانی شایستەو شارەزا و نزیک لە بەدیهێنانی خواستەکانی ئێمەی کرێکاران رابەری ڕێکخراوەدیموکراتیەکان بێت بەتایبەت ئەوانەی پێشینەی کاری ڕێکخراوەیی و سەندیکاکان بوون .

 

 

وتاری زیاتر

کۆرۆنا و یاسای کار

ئەحمەد محەمەد سەعید

کۆرۆنا و کار و کرێکار

ئەحمەد محەمەد سەعید

​تێڕوانینی مام جەلال بۆ رێکخراوە دیموکراتیەکان

ئەحمەد محەمەد سەعید

کرێکارو بڕیاری ژمارە 150

ئەحمەد محەمەد سەعید

کرێکار لە یەکەم پڕۆگرامی یەکێتیدا

ئەحمەد محەمەد سەعید

چوارەمین کۆنگرەی یەکێتی و چارەنوسی کرێکاران

ئەحمەد محەمەد سەعید

هاوکار فایەق

جەنگی ماسكیش بەڕێوەیە

هاوڕێ توانا

سەبری میللەت و جەبری حکومەت !

فەریق حەبیب

كۆرۆنا چی‌ به‌ سه‌رمایه‌دارو پیاوانی‌ ئاینی‌ وت؟

کەمال محەمەد

كۆرۆنا و قەیرانی ئابوری جیهانی

ئەحمەد محەمەد سەعید

کۆرۆنا و یاسای کار

نەشوان ئەحمەد سەعید

ھەرێم و کۆرۆنا

شوکریە فەتاح

لە سەردەمی کۆرۆنادا منداڵەکانتان لەبیر مەکەن

سەروەت تۆفیق

ئایا هەرێمی كوردستان بە پێی یاسا لە بارودۆخی لە ناكاودایە ؟!

ماجد خەلیل

کۆتایی مێژوو یان کۆتایی ئەمەریکا!

سەروەت تۆفیق

کەرەنتینە؛ کتێب و بیرکردنەوە ... ؟!

هاوکار فایەق

ئایا كۆرۆنا ڕێی پێگیراوە ؟

ئەحمەد محەمەد سەعید

کۆرۆنا و کار و کرێکار

کەمال محەمەد

جەنگەكە لە كۆرۆنا ئەبەینەوە

هاوکار فایەق

بازاڕی ئۆنلاین لەسەردەمی كۆرۆنادا

ئەحمەد محەمەد سەعید

کرێکار لەسێیەمین کۆنفراسی کۆمەڵەو چوارەمین کۆنگرەی یەکێتی

شاناز هیرانی

قسەیەک لەبارەی فێمینیزمەوە

محەمەد فاتیح

​جیاوازی زاناکانی ئەوان و زاناکانی ئێمە

پارێزەر لوقمان مستەفا ساڵح

دیاردەی تاوانی دەستدرێژی سێکسی بۆ سەر منداڵان

هاوکار فایەق

شارەوانیەكانی هەرێم بێ ئاگان لە كۆرۆنا

شاناز هیرانی

لیبیا لە نێوان روسیا و توركیادا

کەمال محەمەد

كۆرۆنا و زاڵبون بەسەر ترسدا