وەزیرانی بەرگری ئەمریکا و تورکیا لە بارەگای ناتۆ
جیهان 26/06/2019
چاودێر:
لە کۆبوونەوەکەی وەزیری بەرگری تورکیا، خولوسی ئاکار و وەزیری بەرگریی ئەمریکا بە وەکالەت، مارک ئیسپەردا جەختکراوەتەوە لەسەر بەردەوامیدان بە دیالۆگی نێوان تورکیا و ئەمریکا.
بە پێی راگەیەندرێکی وەزارەتی بەرگری تورکیا، ئاکار و ئیسپەر لە میانی کۆبوونەوەی وەزیرانی بەرگری وڵاتانی ئەندام لە پەیمانی ناتۆ لە بارەگای رێکخراوەکە کۆبوونەتەوە.
لە کۆبوونەوەکەی ئاکار-ئیسپەردا جەختکراوەتەوە لەسەر بەردەوامیدان بە دیالۆگی نێوان تورکیا و ئەمریکا و بیروڕا ئاڵوگۆڕکراوە لەسەر پرۆژەی F-35 و پرسی سووریا.
دوای دەستنیشانکردنی بە وەزیری بەرگریی ئەمریکا بە وەکالەت ئەمە یەکەمجارە ئاکار و ئیسپەر کۆدەبنەوە، چاوەڕوان دەکرێت هاریکارییەکانی نێوان تورکیا و ئەمریکا و کێشەی سووریا و چەند پرسێکی دیکەی ئەمنی تاوتوێ بکەن.
سەرچاوە: ئەنادۆڵو