لە سۆران بەهۆی شەڕێکەوە چوار کەس بوونەتە قوربانی
چاودێر
بەهۆی کێشەیەکی کۆمەڵایەتی، لە گەڕەکی بەختیاری لە شارۆچکەی سۆران، شەڕ دروست بوو، لە ئەنجامدا کەسێک کوژرا و سێ کەسی دیکەش بریندار بوون.
بەوتەی پۆلیسی قەزای سۆران، شەڕەكە بەهۆی كێشەیەكی كۆمەڵایەتی نیوان ئەو دوو بنەماڵەیەوە بووە، لەو شەڕەدا کەسێکی بە تەمەن کوژراوە و سێ کەسی دیکەش بریندار بوون.
شەڕەكە چەکی تێدا بەکارهاتووە و هەردوولا ماوەیەكی زۆر ڕووبەڕووی یەكتری بونەتەوە، لە ئێستا هێزێكی زۆری ئەمنی بڵاوەی پێكراوە و دۆخەكە كۆنترۆڵكراوە، لێکۆڵینەوە لە ڕووداوەکە دەستی پێکردووە.