وتار

ماجد حەسەن

زۆر شت دەربارەی مەلا كرێكارو گروپەكەی

23/07/2019


دەست گیرکردنی مەلا کرێکار و زیندانیکردنی بۆ ماوەی دوازدە ساڵ ، بە حوکمی دادگایەکی ئیتاڵی لەگەڵ چەند کەسێکی دیکەدا ، یەکێك لەوان زانا ھەمەوەندی زاواکەیی خۆیەتی کە لە بەریتانیا دەژی و بە حەوت ساڵ حوکم دراوە ، ھۆکارەکەشی ھەوڵدانە بۆدروست کردنی ڕێکخراوێکی تیرۆرستی و ڕفاندنی کەسانی دیپلۆماتکاری ئەوروپی و دروست کردنی ئیماراتێکی ئیسلامی لە کوردستان و ھاندانی خەڵك بۆ چوونە نێو ڕیزەکانی داعش لە سوریا وە ھەبوونی پەیوەندی بە ڕیزەکانی داعش و قاعیدەوە ، ھەنگاوێکی گرنگی سیاسەتی بەرەنگاربوونەوەی تیرۆرە کە وڵاتانی ئەوروپا و ئەمریکا پێشڕەوی دەکەن.مەلا کرێکار کە بەردەوام دروشمی ئیسلام تاکە چارەسەرە ، لەسەر زاریەتی و لە ھەموو قەیران و بنبەستێکی سیاسی و ئابوری و کۆمەڵایەتی دەیڵێتەوە و بە گوێی خەڵکیدا دەدات ، ئەو دروشمەی کە لە دوای ڕوخانی دەوڵەتی عوسمانی و دروست بوونی یەکەم گروپی ئیسلامی سیاسی"ئیخوان موسلیمین" ، بووە دروشمی ئەو بزاوت و گروپ و ھێزە ئیسلامیانەی کە ڕووبەڕووی ھەموو ژیاری مرۆڤایەتی و دیموکراسی و مافەکانی مرۆڤ و مۆدێرنە بوونەوە و ئیسلام و شەریعەتەکەیان بە تاکە چارەسەری قەیرانی مرۆڤایەتی بە گشتی و وڵاتانی ئیسلامی بەتایبەتی دادەناو ، جاڕی جەنگی بەرەی کافر و مسوڵمانیان لە کۆی جیھاندا ڕاگەیاند و بوونە گەورەترین مەترسی بۆ سەر ژیاری مرۆڤایەتی.مەلا کرێکار کە پێشتر لە کوردستان ڕابەڕایەتی گروپی ئەنسار و ئیسلامی کردووە ، کە یەكێك بوو لە گروپە تیرۆرستیەکان و خۆیان بە نوێنەرایەتی و موجاھیدانی ئوسامە بن لادن و قاعیدە دادەناو مەلا کرێکاریش ئوسامە بن لادنی بە شێخی ئیسلام و ڕزگارکەری مسوڵمانان دادەنا ، ئەو گروپەی کە بۆ ماوەی دوو ساڵ دەستیان بەسەر ناوچەکانی خورماڵ و ھەورامان گرتبوو ، ئامانجیان دەست بەسەراگرتنتی تەواوی خاکی کوردستان و دروست کردنی ئیماراتێکی ئیسلامی و کارکردن بوو بە شەریعەتی ئیسلامی و دژی ھەموو کرانەوە و حوکمێکی دیموکراسی و مەدەنی بوون لە کوردستان و لە پێناویشیدا دەجەنگین ، وە ھەرکەس و ھێزێکیش ڕووبەروویان بوەستایە ، بە ھەمان ڕەفتاری داعشیانە جەنگ و کوشتن و سەربڕین چارەنووسی دەبوو ، پاش جەنگی ڕزگارکردنی عێراق و لە ناوبردنی گروپە تیرۆرستیەکەی ، مەلا کرێکار لەو کاتەوە لە نەرویج دەژی و پاش زنجیرەیەك دادگایکردن و لێپرسینەوە ، بەڵام بەردەوام بە ھەمان بیر و فکرەی سەردەمی موجاھیدی نێو بزووتنەوە جیھادیەکانی کوردستان و پاکستان و ئەفغانستان لە نێو ماڵ و کتێبخانە ترسناکەکەیەوە لە ڕێگەی تۆڕە کۆمەڵایەتی و جارجارەش چاوپێکەوتنی تەلەفزوێنی ، سوربوونی خۆی بە بنەماکانی سەلەفیەتی جیھادی و ڕووبەڕووبوونەوەی ئەوروپا و ئەمریکای دەربڕیوە و دروشمی ئیسلام چارەسەرەو پێویستی جەنگی خاچ پەرستانی گوتووەتەوە ، ئەمە جگەلە پشتیوانی ڕاستەخۆ و ناڕاستەخۆی داعش کە چەندین جار لە باسکردنیاندا بە کۆمەڵێك موجاھید وەسفی کردوون کە لە پێناوی گەڕانەوەی حوکمی خودا و شەریعەتەکەی دەجەنگن و داوای لە خەڵکی عێراق و سوریا بە گشتی و موجاھیدانی کردووە بچنە ڕیزەکانیان و پاڵپشتیان بکەن.ئەم بیرە ترسناکە و پاڵپشتیکەرە لە تیرۆریزمی ئیسلامی بووە ، بە شێكی سەرەکی لەو ھاندان و پاڵپشتیەیی کە وای لە چەندین گەنج و لاوی شارەکانی کوردستان کرد پەیوەندی بە ڕیزەکانی داعشەوە بکەن و لەدژی خاك و نەتەوە و سەروەرییەکانی خەڵکی کوردستان بجەنگن ، بە جۆرێك تەنیا لە سنوری پارێزگای سلێمانی نزیکەی ھەزار گەنج و لاو پەیوەندیان بە داعشەوە کردووە کە بێگومان مەلا کرێکار بەشێکی گەورەی بەر دەکەوێت ، لەم پاڵپشتیە مرۆییە بۆ داعش ئەمە جگە لەوەی لە ئیتاڵیا تۆمەتبارکراوە بەوەی لە ئەوروپاوە خەڵکی ھانداوە بۆ چوونە نێو داعش و پاڵپشتیکردنی و بەردەوامیش خەڵكی کوردستان و کوردانی تاراوگەی بە بیرە ترسناك و پڕ لە تەکفیر و دژ بە بەھاکانی ژیار و مرۆڤایەتی گۆش کردووە.مەلا کرێکار خراپی بەڕێوبەردنی دۆخی سیاسی و ئابوری کوردستان و سۆزی ئاینی خەڵکی کوردستانی بە ھەند وەرگرتووە ، تا خۆی و بیرە توندڕەوەکەی بکاتە تاکە چارەسەر و ڕزگاری دۆخی کوردستان وە بەردەوام خەڵکی کوردستان و کوردانی تاراوگەی بە گەڕانەوەی حوکمی ئیسلام و شەڕی خاچ پەرستان و سەروەری مسوڵمان بە سەر مرۆڤایەتیدا گۆش کردووە ، ئەمە جگەلەوەی بەردەوام ویستویەتی خۆی وەك سەرکردەیەکی جیھادی ئیسلامی بناسێنێت ، کە ئامانجی درێژەدانە لە دژایەتی خۆرئاواو و پرنسیپەکانی و چەسپاندنی حوکمی ئیسلام و بە زۆر سەپاندنی لە وڵاتانی ئیسلامی و غەیر ئیسلامی.ئەو بەردەوام لە گفتوگۆ و چاوپیێکەوتنەکانیدا شانازی بە ھاوەڵی و دیداری گەورە توندڕە و تیرۆرست ئوسامە بن لادنەوە دەکات و لە چاوپێکەوتنێکی کەناڵی بی بی سی فارسیدا لە ساڵی دوو ھەزار و حەڤدە دەڵێت:کە من تەنانەت خۆڵی ژێر پێی بن لادنیش نیم و بن لادن لە دڵ و گیانی من دایە و ھاوشان لەگەڵ تاریقی کوڕی زیاد ، خالیدی کوڕی وەلید ، محمد فاتیح یەکێکە لە چوار سەردارە گەورەکەی ئومەتی ئیسلام! دەستگیرکردنی مەلا کرێکار لەم کاتەدا و حوکمدانی ، بە ئاگاھاتنەوەیەکی درەنگ وەختی وڵاتانی ڕۆژئاوایە ، لەوەی کە مەلا کرێکار چ لە کوردستان و چ لە وڵاتانی ئەوروپا کەسانێکی بە بیر و فکری توندڕەوی داعشی پەروردە و گۆش کردووە ، بۆ دژایەتیکردنی ھەموو کرانەوە و پێشکەوتنێکی سیاسی و ئابوری و کۆمەڵایەتی لە کوردستان و جیھاندا ، بە واتایەکی دیکە یەکێك بووە لەو کەسە توندڕەوانەی کە ژمارەکی زۆری خەڵکی بە فکرە توند و دژ بە مرۆڤایەتیەکەی ئامادە و ساز کردووە ، بۆ چوونە نێو ئەو گروپە توندڕەو تیرۆرستانەی کە پێشتر ھەبوون و لە داھاتووشدا دروست دەبن ،
بۆ وێرانکاری و لە ناوبردنی شارستانیەت و پێشکەوتن و گەشەی فکری و زانستی لە تەواوی جیھاندا.مەلا کرێکار لە ھەر کوێیەك بوو بێت و ڕێگری پێدرا بێت ، یان نا ھەمیشە بیری تەکفیری و خوێن و جەنگ و کوشتار لە وتارەکانیدا ھەبووە ، بەرامبەر بەو ھێز و دەستە و ڕێکخراو کەسانەی کە بە بیر و فکرە توندڕەوەکەی ئەو بیر ناکەنەوە و بوونەتە پاڵپشتی کرانەوە و ئازادی و گەشەی زانستی و فکری چ لە کوردستان و چ لەدەرەوەی کوردستان ، وە لەم نێوانەشدا فەتوای کوشتن و لە ناوبردنی بۆ زۆر کەس دەرکردووە ، ئەمە جگەلە حەڵاڵ کردنی خوێنی ئەوانەی کە لەسەر ئیسلام قسە دەکەن و دەنووسن وە ئەو کەسانەی واز لە ئیسلام دەھێنن ، ھەر بۆیە ئەم حوکمە دەتوانین بە ھەنگاوێکی ئەرێنی دادگاکانی ئەوروپای وەسف بکەین ، بۆ لاوازکردن و سڕینەوەی ئەو شەپۆلە تیرۆریزمییە ئیسلامییە کە دژی ھەموو پلوڕالیزمێکی ئاینی و نەتەوەیی و ئازادی و مافەکانی مرۆڤە لە جیھاندا و تاکە ئامانجی وێرانکاری دونیا و شارستانیەت و ملکەچی تەواوی دونیایە بۆ حوکمی ئیسلامی و گەڕانەوەی خەلافەتی ئیسلامی.

وتاری زیاتر

کەی جەنگی ڕاستەقینەی فەندەمینتاڵیزمی ئیسلامی دەکەین؟

ماجد حەسەن

هەر بەتەنێ‌ قەتەر؟

ماجد حەسەن

سامان سنجاوی

١٦ی ئۆکتۆبەرو یەکێتی و جەماوەرەکەی

مەلا بەختیار

راپەرینی بەردەوامی سەردەمەكە ئینتەرناسیۆنالیزمی راستەقینەیە

کەمال محەمەد

عێراقی كۆمیۆناڵ یان پۆتانسێلێك بۆ دابەشكردنی

هونەر رەسوڵ ئەحمەد

پەیامی دوای مینبەر

مەلا بەختیار

كورتە خوێندنەوەی بیرەوەرییەكانی هاوسەری ئۆباما (میشێل)

ئەحمەد محەمەد سەعید

​تێڕوانینی مام جەلال بۆ رێکخراوە دیموکراتیەکان

عومەر عەلی

په‌یوه‌ندی دیالێكتیكی نێوان جێنده‌ر و فێمێنیزم ​

محەمەد فاتیح

بۆچی یاسایه‌ك نیه‌ بۆ لێپرسینه‌وه‌ له‌ ده‌سه‌ڵاتدارانی هه‌رێم؟

شاناز هیرانی

گروپە شیعەكانی عیراق لەناو بەرداشی ئێران و ئەمریكادا

پارێزەر لوقمان مستەفا ساڵح

دوورکەوتنەوە لە جنێودان و گەڕانەوە بۆ لۆژیک

کەمال محەمەد

كۆچی هاونیشتمانیان و بێ باكی دەسەڵات

هاوکار فایەق

مارك ڕوتتە و پاسكیلەكەشی دەبێـت سوپاسگوزاری دیموكراتی بن

ئەحمەد محەمەد سەعید

کرێکارو بڕیاری ژمارە 150

هاوکار فایەق

ئەردۆگان عوسمانییەكی ئیخوانی و ئیخوانییەكی عوسمانی

کەمال محەمەد

حكومڕانی و فیكری فاشیزم

سامان سنجاوی

پەروەردەو فێرکردن، خێزانەکان لە دۆخێکی خراپدا

مەلا بەختیار

تەكنەلۆژیای جەنگ.. ئاسایش و بەرگری نەهێشت!

شاناز هیرانی

رۆشنبیرییەکی پوکاوەو هۆشیاربونەوە بۆ دروستکردنی گۆڕانکاری

ماجد خەلیل

نهێنی هەڵکوتانە سەر باڵیۆزخانەی ئەمریکا لە بەغداد

کەمال محەمەد

جوگرافیای عێراق و گێژاوی ٢٠٢٠

سامان سنجاوی

راگەیاندنکارانی کوردستان و شەقامی ناڕازی بەغدا!