ژووری هاوبەشی سەربازی لەنێوان پێشمەرگەو سوپای عیراق پێكدەهێنرێت
چاودێر: بەهۆی زۆر بوونی ئاڵۆزیە ئەمنیەكان لەسنورەكانی ناوچە دابڕێندراوەكان، ژووری ئۆپراسیۆنی هاوبەش لەنێوان هێزەكانی پێشمەرگەو سوپای عیراق پێكدەهێنرێت.
سەرچاوەیەكی باڵای ئەمنی لەوەزارەتی ناوخۆی عیراق تایبەت بۆ چاودێر" ووتی: لەكۆبونەوەی ئەم هەفتەیی ئەنجومەنی وەزیراندا پڕۆژەی پێكهێنانی ژووری ئۆپراسیۆنی هاوبەش لەنێوان هێزەكانی پێشمەرگەو سوپای عیراق تاوتوێ كراوە.
رونیشكردەوە: ئەمەش دوای كۆبونەوەكانی پێشووی وەفدی وەزارەتی پێشمەرگەو وەزارەتی بەرگری و ناوخۆی عیراق بووە.
جەختیكردەوە: هەروەها رۆژی سێ شەممەش وەفدێكی فراكسیۆنی یەكێتیی لەگەڵ وەزیرەكانی ناوخۆو بەرگری عیراق كۆبوونەتەوەو هەردوو وەزارەت رەزامەند بوون لەسەر پێكهێنانی ئەو ژوورە هاوبەشە و هەماهەنگی و كاری سەربازی زیاتر لەنێوان هەردوولا.
سەرچاوەكە ئەوەشی ئاشكراكرد: سەرەتا لەشاری خانەقینەوە دەست پێدەكرێت و ژوورێكی هاوبەشی سەربازی لەنێوان هێزەكانی پێشمەرگەو سوپای عیراق پێكدەهێنرێت و دواتر شوێنەكان رێكدەخرێنەوە.