عێراق

سیاسەتمەدارێكی عیراقی كۆچی دوایی كرد

پێش 3 هەفتە


شەوی رابردوو عەدنان پاچەچی سیاسەتمەداری دیاری عیراقی لە تەمەنی 96 ساڵی دا لە ئەبو زەبی پایتەختی ئیماراتی عەرەبی كۆچی دوایی كرد
عەدنان موزاحم پاچەچی لە ساڵی 1923 لە بەغدا لەخێزانێكی سیاسی دیاری عیراق لەدایك بوە، عەدنان پاچەچی باوكی سیاسەتمەدارێكی دیاری عیراق بوە لەسەردەمی دەسەڵاتی پاشایەتی عیراقدا
پاچەچی دەرچووی زانكۆی ئەمریكیە لە بەیروت پاشان بۆ تەواو كردنی خوێندنی باڵا روودەكاتە كۆلێژی ڤیكتۆریا كە لەو سەردەمەدا قوتابخانەیەكی گشتی ئینگلیزی بوە لە قاهیرە 
لەسەردەمی دەسەڵاتی عەبدولكەریم قاسم وەكو باڵیۆزی عیراق لەنەتەوە یەكگرتوەكان دادەمەزرێت پاشان دەبێتە وەزیری دەرەوەی عیراق لەسەردەمی دەسەڵاتی عەبدولسەلام عارف.
پاش رووخانی رژێمەكەی سەدام حوسێن سەرۆكی ئەنجومەنی حوكم وەردەگرێت لەعیراق لە ساڵی 2004 پاشان وەكو بەتەمەنترین پەرلەمانتار سەرۆكایەتی ئەنجومەنی نوێنەرانی عیراق دەكرێتە سەرۆكی پەرلەمانی عیراق.