نزیكی 10 هەزار كەمئەندام موچەی پێنج مانگیان لێبڕدراوە
چاودێر:
نزیكی 10 هەزار كەمئەندام موچەی پێنج مانگیان بڕدراوە و لەئێستاشدا داوای وەرگرتنەوەی ئەو موچانە دەكەن.
سامان حسێن، سكرتێری یەكێتی كەمئەندامانی كوردستان لەكۆنگرەیەكی ڕۆژنامەوانیدا ڕایگەیاند، پێشتر ژمارەیەك كەمئەندام ناویان لەلیستی كەمئەنداماندا سڕدرابوونەوە، بەبیانوی نزمی ڕێژەی كەمئەندام، بەڵام دواتر سێ هەزار و 30 كەس لەسلێمانی تانەیان لەو بڕیارەدا و لەئەنجامدا دوو هەزار و 450ە كەمئەندام دەرچوون و ناویان چۆتەوە ناو لیستی كەمئەندامان.
ئەوەشی خستەڕوو، لەهەموو هەرێمی كوردستان نزیكی 10 هەزار كەمئەندام موچەیان بڕدراوە و دواتر كە تانەیان داوە، دووبارە خراونەتەوە ناو لیستی موچەی كەمئەندامان.
باسی لەئەوەشكرد، ئەو كەمئەندامانە كە نزیكی 10 هەزار كەس دەبن، موچەكانی مانگی 6 و 7و 8و 9 و10 وەرنەگرتووە.
هێمای بۆئەوەشكرد، ئێستا داوادەكەن موچەكانیان بردێتەوە، ئەگەریش موچەكەیان پێنەدرێتەوە غەدرێكی گەورەیە لە كەمئەندامان دەكرێت.