فازڵ میرانی: پێكهێنانی حكومەت %10ی ماوە
چاودێر:
سكرتێری مەكتەبی سیاسیی پارتی رایگەیاند، بەم زووانە كۆبوونەوە بۆ تەواوكردنی پێكهێنانی حكوومەت دەكرێـت و تەنیا 10%ـی ماوە، بۆیە لە هەفتەی داهاتوودا كۆبوونەوەی لەسەر دەكرێـت و كابینەی نوێی حكومەت پێكدێت.
فازڵ میرانی، سكرتێری مەكتەبی سیاسیی پارتی دیموكراتی كوردستان، بەماڵپەڕی فەرمیی حزبەكەی ڕاگەیاند: "سبەی پێنجشەممە 25/4/2019 كۆبوونەوەی مەكتەبی سیاسیی پارتی دیموكراتی كوردستان دەكرێـت، تەوەری كۆبوونەوەكەش گفتوگۆكردنە لەبارەی پێكهێنانی حكومەتەوە".
میرانی وتیشی: "قۆناغی پێكهێنانی حكومەتی نوێی هەرێمی كوردستان 90%ـی بە كۆتا گەیشتووە و هەمووان كۆكین و تەنها 10%ـی ماوە، كە لە هەفتەی داهاتوودا كۆبوونەوەی لەسەر دەكرێـت و كابینەی نوێی حكومەت پێك دێت".