چالاکییەکانی کۆتا ڕۆژی بیستوودووهەمین فێستیڤاڵی گەلاوێژ بخوێنەرەوە
ڕەخنەی چاودێر
ئەمڕۆ شەممە، سێیەم ڕۆژی چالاکییەکانی
بیستوودووهەمین فێستیڤاڵی گەلاوێژە و تیایدا لێکۆڵینەوە کوردییەکان پێشکەش دەکرێن.
ساڵانە بەڕێوەبەرانی فێستیڤاڵەکە تەوەرێک بۆ خولەکە
دیاری دەکەن، تەوەرى سەرەکیی ئەمساڵ بریتییە لە (نووسینەوەى بیرەوەرى
"ئۆتۆبایۆگرافى" لە نێوان ئەدەب و مێژوودا.)
کاتژمێر ٩.٣٠ی سەرلەبەیانی پانێلی یەکەم لە لایەن د.
سەلام عەبدولکەریمەوە بەڕێوە دەبرێت و ئەم نووسەرانە لێکۆڵینەوەکانیان پێشکەش
دەکەن:
*مەهدی فاتیح عومەر: کاردانەوەی ئەنفال لە هونەری
گۆرانی و مۆسیقای کوردیدا.
*باران: ناکرێت لە توندووتیژیی بێدەنگ بین؛
توێژینەوەیەکی شیکاریی شانۆگەری "تەقینەوەکان"ـی سارا کەین.
*هیوا کەریم حسێن: بوونیادی هونەریی ئۆتۆبیۆگرافیا؛
ئۆتۆبیۆگرافیای "نووسین بەئاوی خۆڵەمێش"ـی شێرکۆ بێکەس بە نموونە.
*دلێر کەمال ئەحمەد: بەرجەستەبوونا هۆنەرێ ژیانناما
خوەی د ئەدەبیاتا کوردیدا؛ کورەتە ڕۆمانا "ستۆکهۆڵمێ تە چدی تبێژە" یا
باڤێنازێ وەک نموونە.
کاتژمێر ١١.١٥ی سەرلەبەیانی پانێلی دووەم لە لایەن
"ماجد خەلیلەوە" پێشکەش دەکرێت و ئەم نووسەرانە بەشدار دەبن:
*محەمەد ئەحمەد حەسەن: پێکهاتەی فەزای دەلالی لە
چیرۆکدا؛ چیرۆکەکانی "سەدرەدین عارف" بە نموونە.
*کاوان محەمەدپوور و ئەمجەد غوڵامی: مێژووی زەندییە
و شێوەکانی سازدانی گوتاری ئایدیۆلۆژیی دادپەروەریی؛ خوێندنەوەی گێرانەوەناسانەی
کتێبی ڕۆستەم ئەلحوکەما.
*ئیسماعیل مەحموودی: حاجی قادری کۆیی و سەرهەڵدانی
گوتاری تازەگەریی کوردی.
*فەرهاد چۆمانی: خوێندنەوەیەک بۆ چیرۆکەکانی
فێستیڤاڵ.
کاتژمێر ٣.٣٠ مەراسیمی کۆتایی فێستیڤاڵ
*وتاری کۆتایی فێستیڤاڵ لە لایەن سەرپەرشتیاری گشتیی
فێستیڤاڵ بەڕێز مەلا بەختیار.
*چالاکیی هونەری لە لایەن گرووپی میوزیکی لووڕ.
*بەخشینی خەڵاتی "فوئاد مەجید میسری" بە
توێژەری کورد خاتوو "د. کوردستان موکریانی".
*دابەشکردنی خەڵاتی ڕێزلێنان بە توێژەرانی تەوەری
فێستیڤاڵ.
*وتاری لیژنەکانی هەڵسەنگاندن.
*مەراسیمی دابەشکردنی خەڵاتی یەکەم و دووەم و سێیەمی
فێستیڤاڵ.
*کۆتایی فێستیڤاڵ.