رەخنەی چاودێر

لیستی ڕۆمانە دڵخوازەکانی گابۆ

پێش 1 هەفتە

ڕەخنەی چاودێر


ئەم لیستە دوورودرێژترە، کە کتێبە خۆشەویستەکانی مارکیز دەناسێنێت. بە پێی کتێبخانەکەی و چاوپێکەوتنەکانی دیاری کراون.

یەک: کێوی جادوو/ تۆماس مان
ڕۆمانێکی نووسەری ئەڵمانی، تۆماس مانە و لە ١٩٢٤ـدا بڵاو بووەتەوە و تۆماس پێنج ساڵ دواتر خەڵاتی نۆبێڵی وەرگرت.

دوو: پیاوێک بە دەماکی ئاسنینەوە/ ئەلکساندەر دۆما
دۆما بەو باڵادەستییەوە کە لە ڕۆماننووسیندا هەیەتی، توانیویەتی لەم ڕۆمانەدا ڕووداوە پێچەڵپێچ و نامرۆیی و ترسناکەکان، بە جۆرێکی دەگمەن و سەرنجڕاکێش بگێڕێتەوە. لە ١٩٩٧ـدا کراوە بە فیلم.

سێ: ئۆلیسس/ جیمس جۆیس
ئەم ڕۆمانە لە شاکارەکانی جیهانە و هەموو ڕووداوەکانی لە ٢٤ سەعاتدا ڕوو دەدەن و کارکردنێکی وردە بە تایبەت لە زماندا. لە ١٩٢٢ـدا لە پاریس چاپ کرا.

چوار: وەک چۆن ڕاکشابووم و خەریک بوو دەمردم/ ولیەم فۆکنەر
ڕۆمانێکی ولیەم فۆکنەرە، کە مارکیز لە یەکەم ڕۆمانی خۆیدا بە ناوی "گەڵا زەردەکان" گەلێک لەژێر کاریگەریی ئەم ڕۆمانەدا بووە. نێوەڕۆکی ڕۆمانەکە باسی مەرگە. هەروەتر لە لیستەکەدا کتێبی پێنجەم و شەشەمیش هەر ڕۆمانەکانی ولیەم فۆکنەرن، بە ناوی "دەنگ و تووڕەیی" و "دارخورما کێوییەکان"، دەیسلەمێنێت کە مارکیز چەندێک ئەدەبیاتی فۆکنەری خۆش ویستووە.

حەوت: ماڵی حەوت‌هەورەبان/ ناتانیل هاسۆرن
ئەم ڕۆمانە یەکەمجار لە ١٨٥١ـدا بڵاو بووەوە. ڕۆمانێکە دەربارەی گوناح و عەزاب.