لەسوودان كودێتای سەربازی كرا
جیهان 25/10/2021
چاودێر:
ئەمڕۆ لە سوودان كودێتای سەربازی كرا و دوای شكستی هەوڵێكی كودێتا لە مانگی رابردوودا.
سەرۆكی حكومەت و وەزیرانی راگەیاندن و پیشەسازی و كاروباری ئەنجومەنی وەزیران و ژمارەیەك كەسایەتی سیاسیی و حیزبیی و ئەندامانی ئەنجومەنی سەروەریی دەستبەسەركران، هاوكات زۆرینەی ئەندامانی ئەنجومەنی وەزیران و ژمارەیەكی زۆر لەسەركردەی حیزبەكانی لایەنگری حكومەت دەستگیركراون.
فڕۆكەخانەی نێودەوڵەتی خەرتوووم داخراوە و سەرجەم گەشتە ئاسمانییەكان راگیراون و خزمەتگوزاریی ئینتەرنێت و مۆبایلیش وەستاوە بەپێی ئاژانسی فڕانس پرێس.
هاوكات كەناڵی فەڕمی سوودان دەستیبەسەرداگیراوە لەلایەن كودێتاچییەكانەوە.
دەیان خۆپیشاندەر هاتوونە سەر جادە بۆ رەتكردنەوەی كودێتا و دەستگیركردنی بەرپرسانی حكومەت.
لای خۆیەوە عەبدوڵڵا حەمدووك سەرۆك وەزیرانی سوودان كە لەلایەن كودێتاچییەكانەوە لەنێو ماڵەكەی خۆیدا دەستبەسەركراوە، داوای لە هاووڵاتیان كراوە بڕژێنە سەر جادەكان، پابەندبن بە ئاشتیی و بەرگریی لە شۆڕش بكەن.