بەشداری بکەم یان - نا ؟

م. بورهان 26/01/2021


پرۆسەی ھەڵبژارد بنەمایەکی سەرەتایی دیموکراسیە و گەوھەرەکەشی رۆئەچێتە نێو ھەموو جومگە و ژیانی سیاسیی ، کۆمەڵایەتی، ئابووری، کەڵتووری تاد.........
بۆگەشەپێدانی ژیان و پێشکەوتنەکانێتی لە رێگەی دەستاو دەستکردنی دەسەڵاتەوە.
بۆیە ئەنجامدانی  ئەو پرۆسەیە فەرزی دیموکراسیەتە و بەشداریکردنیشی دیسان تەقسێکی تری تەواو کاری ئەو پرۆسەیە.
بەشداریکردنی ھەڵبژاردن باشە یان بەشداری نەکردنی؟

 بۆ چی پێشبینی دەکرێت  بەشداری ھەڵبژاردن لەعێراق  بە گوڕو تینتر بەڕێوەبچێت  بەراورد لە چاو  ھەڵبژاردنەکانی کوردستاندا؟
١- عێراق دەوڵەتە و خاوەن دامودەزگای دێرینی خۆیانن.
٢- عێراقیەکان شۆڕشێکی ملیوێنیان بەرپاکرد و حکومەتی عادل عەبدول مەھدیان روخاند.
چەندین دەسکەوتیان دەستەبەرکرد.
وەک:
ا-بڕیاری ھەڵبژاردنی پێش وەختەیان سەپاند.
ب-کۆمیسوێنی باڵای ھەڵبژاردنیان گۆڕی.
ج-یاسایی ھەڵبژاردنیان گۆڕی.
د-چاکسازیان لە  دەستەی خانەنشینی کرد.
ھ-لیژنەیەکی کارایان پێکێنا بۆ چاکسازی راستەقینە و چەندین دۆسێیان داوە دادگا و  چەندی تاوانباران و گەندەڵکاریان سزا دا.
ئەودەسکەوتانە  مۆتیڤێکە بۆ بەرقەرار بوونی فەزایەکی سایکۆیی، ھەلو مەرجێکی بۆ بەشداریکردنێکی بەتەوژم رەخساندووە.

پێدەچێت پرۆسەی ھەڵبژاردنی ئەم جارە جودابێت لە چاو ھەڵبژاردنەکانی پێشو و پێشوتردا و یاسا نوێکەش  کە دوا یاسایە لەقازانجی تاکە کەسیدایە، لەبەرژەوەندی لیست و سەرۆکی لیستدا نیە،  چونکە دەنگە زیادەکان قەتیس دەبێت، لەخانەی کاندیدەکەدا لەم یاسایەدا کەسێکتر  و تەنانەت لیستەکەش سوودی لێنابینێ.

بۆیە دەنگە ناڕازیەکان و ئەوانەی جێی متمانەی خەڵکن  دەبێت بەشداری بکەن، چونکەکاریگەری زۆریان بۆ لاسەنگی ھاوکێشەکان دەبێت. حیزبە تەقلیدیەکانی  دەسەڵات لە عێراق بەگشتی رێژەی  بەشداری بە گوڕ و تینی پرۆسەی ھەڵبژاردن لە بەرژەوەندیان نابێت و بەڵکو  کەمی رێژەی بەشدار بوون لەپرۆسەکە بە قازانجی ئەوان دەشکێتەوە.