وتار

زیرەک کەمال

مەزڵوم عەبدی و ئەردۆغان

پێش 4 هەفتە



ئەردۆغان مجێور و بانگدەری یەکێک لە مزگەوتەکانی شاری ئەستەنبۆڵ بوو، زۆریش سەرسام بووە بە موجاهیدە تیرۆریستەکانی تۆرابۆرای ئەفغانستان، بۆیەش دەگوترێت کاتی خۆی دووجار سەردانی ئەفغانستانی کردووە و وەکو شاخەوانێکی کارامە بە زنجیرە شاخەکانی ئەفغانستان هەڵگەڕاوە، ناوەڕاستی نۆهەتەکانی سەدەی ڕابردووش چەندین جار سەردانی قوتابخانە ئاینییەکانی موجاهیدانی پاکستانی کردووە و زۆریش بە (تاڵیبان) سەرسام بووە، ئەردۆغان بوو بە سەرۆک وەزیرانی تورکیا، نووسەرێکی تورک بۆ ئەرۆدغانی نوسیبوو، شەرمەزارم کە تۆ بووی بە سەرۆک حکوومەتی وڵاتەکەم، بەس بەناچاری پێت دەڵێم جەنابی سەرۆک، لێت تێک نەچێت کە ئێستا تۆ بانگدەری مزگەوت نیت و بێت وابێت کە بانگتدا دەبێت هەموو خەڵک گوێت لێ بگرێت، چونکە ئێستا تۆ سەرۆک حکوومەتی کاراکتەری ناو دنیای سیاسەتی، لە سیاسەتیش گەمەی جۆراوجۆر هەیە و تکایە لەبیرت نەچێت بەشێک لە گەمە سیاسییەکانی وڵاتی ئێمە سەروکاریان لەگەڵ دیموکراسیدا هەیە، لە دیموکراسیەتیش هەڵبژاردن و لە هەڵبژاردنیش دەنگی جەماوەر پێوەرە.
چەند مانگێک پێش ئێستا (ئیمام ئۆغلۆ) سەرۆکایەتی شارەوانی ئیستەنبۆلی لە ئاکپارتییەکەی ئەردۆغان بردەوە، ئەردۆغان کێچ کەوتە کەوڵی و هاروهاج بوو، بۆیەش بە بڕیارێکی سەرووی دیموکراسیەت، هەڵبژاردنەکانی دووبارە کردەوە، بەڵام ئەمجارەش هەڵبژاردنەکەی خراپتر لە جاری پێشوو دۆراندەوە و ئیمام ئۆغلۆ نەک هەر سەرلەنوێ بردیەوە، بەڵکو دەنگی زیاتریشی هێنا. ئەوجارە هەر ئەو نووسەرە تورکییە نووسی، جەنابی مجێور بانگبێژی (مزگەوتی باب عالی) تۆ یەکەم جار بەرانبەر (ئیمام ئۆغلۆ) دیموکراسییانە دۆڕای، بەڵام ئەمجارە ئەخلاقی هەڵبژاردنت دۆڕاند. دەشزانم دوای ئەو دۆڕانە عاقڵ نابیت و بەڵکو بۆ ئەوەی دۆڕانەکەت لەبیر خەڵک ببەیتەوە، دەزانم تورکیا دووچاری قەیرانێکی ئەخلاقی دەکەی، بەداخەوە قسەی نووسەرە تورکەکە هاتەدی و ئەردۆغان پەلاماری ڕۆژئاوای کوردستان و وڵاتەکەی (مەزلوم عەبدی) دا، من دەزانم تورکیا لەو داگیرکارییە ئەمڕۆش نەبێت سبەی باجێکی گەورە دەدا، دەشزانم جیاوازی نێوان ئەردۆغان و مەزڵوم عەبدی ڕێبەری خۆرئاوای کوردستان جیاوازی نێوان ناشیرینی و جوانییە، جیاوازی نێوان ژەهری مار و شیرینی هەنگوینە، بەڵام چیدەکەی کە ئەوەی ئەمڕۆ چارەنووسی گەلان دیاری دەکات نائەخلاقی سەرمایە و هێزە.

وتاری زیاتر

ڕاپەڕین و دزینی شۆڕش

زیرەک کەمال

مەلا بەختیار

گەندەڵەكانی عێراق لە رۆژی گەندەڵیدا

رامان عوسمان

ئەو كاتەی ناهێڵن رێوەیە گەڕێك بەناوی تۆوە بێت!

سەرتیپ جەوهەر

100 رۆژ و 100 دەرد

کەمال محەمەد

عێراق بەرەو خراپترین بارودۆخ

هاوڕێ توانا

داعش... پوکانەوە و گەشانەوە

شاناز هیرانی

سوود و زيانه‌كانى سيستمى كـۆتـا بۆ پێگه‌ى ژن

سەرتیپ جەوهەر

بەراست بەشداریكردنی یەكێتی لەحكومڕانییدا چی لێهات؟!

سامان سنجاوی

سەرکەوتنی کۆنگرەی یەکێتی بێ تەوافق

مەلا بەختیار

رێبازە ئایدیۆلۆژیەكان و كۆنگرەی یەكێتی

سالار تاوەگۆزی

دیاردەی سوتاندن و دڕاندنی قورئان

شاناز هیرانی

یەكێتی‌و كۆنگرە؛ چارەنوسێكی نادیار

کەمال محەمەد

ئاسۆی ڕوانین و سێبەری گۆڕانكارییەكان

کنێر عەبدوڵا

هه‌مووی گله‌یی هه‌یه‌، ئه‌ی حزب گله‌یی له‌ کێ بکات ؟!

مەلا بەختیار

كێشەی حزبەكان و تێگەیشتنی سەردەم

ئەحمەد محەمەد سەعید

کرێکار لەدیدی یاسای کاری ئێراق

مەلا بەختیار

بۆ مێژوو..یەكێتی بەرپرسەكانی وریاكردەوە

زیرەک کەمال

مەزڵوم عەبدی و ئەردۆغان

کەمال محەمەد

كورد لە كوێی هاوكێشەكاندایە؟

سامان سنجاوی

رێكخراوه‌ دیموكراتیه‌كان‌و چواره‌مین كۆنگره‌ی یه‌كێتی

پارێزەر لوقمان مستەفا ساڵح

یەکەم هەنگاو بەرەو دیکتاتۆریەت

کنێر عەبدوڵا

ده‌ خاڵی پێشنیارکراو؛ له‌ پێناو کۆنگره‌یه‌کی جیاوازدا