تۆڕی ناوەندی رۆشنگەریی چاودێر، خولێکی رۆشنگەری بۆ ژمارەیەک کچ و کوڕ رێکخست
مەلا بەختیار: دەبێت باش بیر لەوە بکەیەنەوە
ئایا ئەو حیزبانەی لە دەسلاتدان و لە پەرلەمانن لە کوردستان، باوەڕیان بە
دیموکراسی و ئازادی هەیە؟
تۆڕی ناوەندی رۆشنگەریی چاودێر، خولێکی
رۆشنگەری بۆ ژمارەیەک کچ و کوڕ رێکخست
ئەمڕۆ 6/5/2023 لە هۆڵی شەهید ئازاد هەورامی،
لە تۆڕی ناوەندی رۆشنگەریی چاودێر، خولی (پەروەردەی رۆشنگەریی) بۆ ژمارەیەک کچ و
کوڕی رێکخراوی گەنجانی راپەڕین لە سنوری قەڵادزێ بەڕێوەچو.
وانەی یەکەم لەلایەن د. عومەر عەلی، بە ناونیشانی
(سۆسیۆلۆجیای گەنج) پێشکەشکرا.
وانەی دووەم لەلایەن سیاسەتمەدار و رۆشنگەر
مەلا بەختیار بەناونیشانی (رەوشی رۆشنگەری لە دونیای تازەدا) پێشکەشکرا.
مەلا بەختیار لە باسەکەیدا بە وردی تیشکی خستە
سەر مێژوی رۆشنگەری و دیموکراسی و ئازادیەکان.
مەلا بەختیار ئاماژەی بەوەکرد: بۆ بیرکردنەوە
لە ئازادی و دیموکراسی، پیویستە بیر لە دوو خاڵ بکەینەوەك یەکەم ئەوەیە ئایا ئاستی
کۆمەڵایەتی و ئابووری و هۆشیاری خەڵک لە ئاست فەلسەوفەی دیموکراسی و ئازادیە، واتا
کۆمەڵ لەو ئاستەدایە کە ئازادی و دیموکراسی هەبێت. دوەم خاڵ ئەوەیە دەبێت بزانین
ئایا ئەو حزبانەی لە دەسڵاتدان و لە پەرلەماندان لە کوردستان ئایا باوەڕیان بە
دیموکراسی هەیە؟ ئەم دوو بابەتە زۆر زۆر گرنگە بیری لێبکەینەوە.
بابەتەکەی مەلا بەختیار ورد و فرە لایەن بوو،
دواتر تەواوی دەقی بابەتەکە لە پەیجی تایبەتی خۆی لە تۆڕی کۆمەڵایەتیی فەیسبوک بڵاودەکرێتەوە.
وانەی سێیەم و کۆتایی لەلایەن د. ماجید
خەلیل، بە ناونیشانی (ئەزمونی کاری رێکخراوەیی لە باشوری کوردستان) پێشکەشکرا.
دوای تەواوبونی وانەکانیش بروانامەی رێزلێنان
بەسەر ئامادەبواندا دابەشکرا.