بە ئاگاییەوە وێنەکان بگەیەنن

کوردستان پێش 2 هەفتە

 

لەسەرەتای  دەستپێکی ئەم بابەتەم دەمەوێت ئەوەتان پێ ڕاگەیەنم تکایە لە گفتووگۆکردندا ئاگاداری وێنەکان بن بە شێواوی مەیگەیەنن
ئێمەی مرۆڤ گەر گوفتوگۆ لەسەر هەر بابەتێک یان هەر تۆیژێک بکەین وێنەی ئەو بابەتە یان ئەو توێژە پێش خودی کەسەکە یان بابەتەکە دەگەیەنین.



 ئیستا دەچینەوە سەر  مەبەستە سەرەکییەکە  کە لەم بابەتەدا ئاماژەی پێدەدەم کە  توێژی ژنە
لەوەتەی  ڕادەمێنم  لەگەیاندنی وێنەی ژن لە کۆمەڵگەکەمدا تا ئەم چرکەیش وێنە کێشێکم نەبینی بە جوانی مێینە وێنا بکات  لێم دەگەن باس لە چ وێنەکێشانێک دەکەم لە ژندا هەڵبەتە مەبەستم  لەماپی چەستەو روخساری ژن نیە بەڵکو  دەمەوێت بڵێم روحیەت و فیکری مێینە گوفتووگۆی جوانی لەسەر نەکراوە  تا وێنایان بە رێکوپێکی بگەیەنرێت.


گەر دیقەت بەن  لە سەرجەم پێگە خێزانی وکۆمەڵایەتییەکانی وەک پەروردە، ئاین،  سیاسەت، یاسا ، وە راگەیاندنەکان هیچیان کاریان بۆ ئەوە نەکردووە وێنەکێشێکی کارامە بن بۆ وێناکردنی مێینە لەگوفتوگۆ و راگەینراوەکانیاندا  بە پێچەوانەوە هەمێشە خراپترین وێنەکێش بوون تا ئەم کارەکتەرەی کە ناوی مێنەیەو دواتر ژن  بەناشێاوترین شێواز ببینرێت کە بچوکترین ماف بە ڕەوا نەبینن   بۆ ئەم توێژە جگە لە مۆڵگەیەکی گەمارۆدراو  بە سێکس و  وەچە خستنەوە.

ئەوەی کراوە بە پێچەوانەوە وێناکردنی جەستەو ڕوخسارێتی کە لە تێفکرینی مرۆڤایەتیدا هەمان ئەو ناشیرینی وێناکردنەیە کە ئیستا قسەی لەسەر دەکەین کە هەر ئەم جەستەو روخسارە کراوەتە دۆخێک کە ژن داپۆشرێت  لە هەموو ڕویەکەوە  بە رادەێک بکرێتە کریستاڵ یان شوشە کە بەیەک پارچەبەردی بچووکی کۆمەڵگە بشکێتو وردووخاش بێت.


 لێرەوە تاکی گوێگر دیسانەوە  دەبێتە بڕیاردەرێکی بێ بەڵگە  لەسەر وێنە شێواوەکە کە تەواوی مافەکان بە مافی  ئەو نەزانێت لە سەرجەم هەڵبژاردنەکانی ژیانیدا لەخۆشەویستیەوە تاهاوسەرگیری تاکارو سەفەرو  لەبەرکردن ورۆیشتن 
هەر بۆ ئەوەی گەر بمانەوێت ئەم وێنەیە لە ناشیرینی دەر بێنین دەبێت لەسەرەتادا وێنەکێشەکانمان لە رووی فیکرەوە هۆشمەندبن تا وێنەکان بە دروستی بکێشن.

گەر لە پانتاییەکی فراوانترەوە گفتوگۆ لەسەر ئەم بابەتە بکەینەوە  خودی ژن گەر بە ئاگاییەوە ڕێچکەی مێینەبوونی خۆی نەگرتبێت هەمان وێنای هەڵە دەگەیەنێت هەر لە مامۆستایەکەوە تا ڕاگەیاندکارێک تا چالاکوان و  سیاسییەک ڕەنگو هەنگاو و دەنگی ژن دەشێوێنێت ئەمە لەکاتێکدا تەواوی کۆمەڵگەکەمان  کەوتونەتە  شێواندنی وێنای یەکتر  لە ژنو مێردێکەوە بگرە  تا دەگاتە  ئاستی سیاسییەکان  هەمان کردە ئەنجامدەدەن.

لە کۆتا وشەکانمدا بە ئێوەی خوێنەر  دەڵێم تکایە ئاگاتان لە گەیاندنی  وێنەکانبێت نوقتە سەری دێر.

کوێستان مەحەمەد