پەرلەمانتارێكی عێراق دەستبەرداری موچە و پاسەوانەكانی دەبێت
عێراق 19/01/2022
چاودێر
ئەندامێکی سەربەخۆی ئەنجومەنی نوێنرانی عێراق دەستبەرداری موچەى
پەرلەمانتاری و پاسەوانەکانی دەبێت.
هادی حەسەن سەلامی، ئەندامی سەربەخۆی ئەنجومەنی نوێنەرانی عێراق نوسراوێکی
ئاڕاستەی ئەمیندارێتی ئەنجومەنی نوێنرانی عێراق کردووە و تێیدا داوایکردووە،
دەستبەرداری موچەکەی و پاسەوانەکانی دەبێت.
ناوبراو نوسیویەتی، تەنها ئەو موچەیەی بەسە کە پێش بوونە پەرلەمانتاری
وەریگرتووە و ١٦ پاسەوانەکەشی ناوێت، چونکە پارێزگاریی هێزە ئەمنییەکانم بەسە.
مانگانە هەر پەرلەمانتارێکی عێراق بڕی زیاتر لە ٢٥ ملیۆن دینار وەردەگرێت،
بۆ موچەی خۆی و تێچووی مانگانە و پاسەوان و ستاف و کرێی خانوو و پێویستییەکانی
دیکە.
هادی حەسەن سەلامی، لەیەکەم ڕۆژی دەستبەکاربوونی وەک پەرلەمانتار و لەبەرواری ١٠\١\٢٠٢٢دا ٤٠ نوسراوی فەرمی ئاڕاستەى دامەزراوە حکومییەکان کردووە و پرسیاری ئاڕاستەکردوون و داوای ڕوونکردنەوەی لێ کردوون.
ناوبراو پێشتر چالاکوانێکی نەجەف بووە و یەکەم پەرلەمانتارە، کە لەیەکەم ڕۆژی دەستبەکاربوونیدا هێندە نوسراو ئاراستەى دامەزراوە حکومییەکان بکات.