تۆڕی ناوەندی ڕۆشنگەری چاودێر خولێکی پەروەردەی ڕۆشنگەری دەکاتەوە

کوردستان 02/08/2021

  ئەمڕۆ 2/8/2021، تۆڕی ناوەندی ڕۆشنگەری چاودێر، لەمیانەی کارو چالاکییە ڕۆشنگەریی و پەروەردەییەکانیدا لەسنووری ناحیەی عەربەت، بەهەماهەنگی بازنەی پەروەردەیی عەربەتی پلاتفۆرمی دابڕان و فیمینیزمی ڕۆشنگەری خولێکی پەروەردەیی و فیکری و ڕۆشنگەری بۆ (٣٥)مامۆستای وانەبێژی سنورەکە کردەوە.
خولەکە بەناونیشانی (کارامەییەکانی مامۆستا) و بەسەرپەرشتی مەحمود عەبدولکەریم باجەڵان بەڕێوەدەچێت کە تیایدا چەندین بابەتی گرنگی پەروەردەیی و فیکری و کارامەییەکانی وانەوتنەوە دەوترێنەوە.
 ئەم خولە بۆماوەی سێ ڕۆژ دەخایەنێت، بەشداران سوپاس و پێزانینی خۆیان ئاڕاستەی تۆڕی ناوەندی ڕۆشنگەری چاودێر کرد و خواستی ئەوەیان نیشاندا ئەم خولانە بەردەوامییان هەبێت.