حاکم شێخ لەتیف: کەیسی سزادراوانی بادینان سیاسییە
چاودێر:
حاکم شێخ لەتیف یاساناس
و دادوەر لەکۆنگرەیەکی ڕۆژنامەوانیدا ڕایگەیاندا، کەیسی سزادراوانی بادینان و دهۆک
سیاسییە.
ژمارەیەک یاساناس
و پارێزەر و دادوەر کۆنگرەیەکی ڕۆژنامەوانییان ئەنجامدا، کە تێیدا حاکم شێخ لەتیف یاساناش
ئەوەی خستەڕوو، ئەم کەیسە ئاشکرایە کە سیاسییە، چونکە خۆیان دەڵێن دادوەرەکان سێ
بەدوو بوون، پێشتر دەیانوت دادوەرانی سلێمانی و هەولێر، شەرمیاندەکرد بڵێن دادوەری
یەکێتی و پارتی، بەڵام ئێستا بەشانازییەوە دەڵێن دادوەرەکانی یەکێتی لەگەڵ ئەو
سزایە نەبوون.
ئەوەشی باسکرد،
هیوادارە دەستەى گشتی ئەم سزایە هەڵبوەشێنێتەوە، ئەگەر ئەویش هەڵینەوەشاندەوە،
داوا لەسەرۆکی هەرێم دەکەن خۆی دەسەڵاتی لێبوردنی گشتی بەکاربهێنێت و ئازادیان
بکات.
وتیشی: داوا
لەسەرۆکی حکومەت دەکەین لەبەرئەوەی پێگەی هەرێم کەوتۆتە مەترسییەوە و پەیوەندییە
نێودەوڵەتییەکان هەرێم کەوتۆتە مەترسییەوە و لەناوخۆی هەرێمیش ناڕەزایەتی زۆرە، پێویستە سەرۆکی حکومەت خۆی
لێبووردنی گشتییان بۆ دەربکات.