وێنە.. دوو بازرگان و پێنج بەكارهێنەری ماددەی هۆشبەر دەستگیركران
چاودێر:
بەڕێوەبەرایەتی ئاسایشی ڕۆژئاوای سلێمانی رایگەیاند، لەماوەی ٢٠ ڕۆژدا لەسنوری بەڕێوەبەرایەتیەكەیان دوو بازرگان و پێنج بەكارهێنەری ماددەی هۆشبەر دەستگیركراون كەلە ژنێك و شەش كەس لەرەگەزی نێر پێكهاتبون.
بەرێوەبەرایەتی ئاسایشی رۆژئاوایی سلێمانی رایگەیاند، لەماوەی ٢٠ ڕۆژدا لەسنوری بەڕێوەبەرایەتیمان ژنێك و شەش كەسی دیكە لەڕەگەزی نێر دەستگیركراون،كە تۆمەتبارەكان دووكەسیان بازرگانن و یەكێكیان دانیشتوی قەزای شەقڵاوەیەو بەهاوكاری و هەماهەنگی یاریدەرێتی ئاسایشی (تەقتەق)ی سەر بەبەڕێوەبەرایەتی ئاسایشی ڕۆژهەڵاتی هەولێر دەستگیركراوە كە یەك كیلۆو دووسەد غرام كریستاڵی پێبوە .
ئاماژەبەوەشكراوە، پێنج كەسەكەی دیكەشیان بەكارهێنەرن و دانیشتوی ناوچە جیاوازەكانی هەرێمی كوردستانن،ئەوماددانەی بەكاریان هێناوە لەجۆری ( كریستاڵ_و_حەشیشە )ە.
ئەوەش رونكراوەتەوە، سەرجەم تۆمەتبارەكان حەوت كەسن و بەفەرمانی دادوەری دادگەی لێكۆڵینەوەی چەمچەماڵ بەپێی ماددەكانی (۲٦) و (٣٠) لەیاسایی بەرەنگاربوونەوەی ماددە هۆشبەرو كارتێكارە عەقڵیەكان لەهەرێمی كوردستان ژمارە ( ١ ) ساڵی ٢٠٢٠ ڕاگیراون.