تەندروستی: بۆ وەرگرتنی ڤاكسینی دژە كۆرۆنا پێویستە هاوڵاتیان ناو تۆمار بكەن
وەزارەتی تەندروستی حكومەتی هەرێمی كوردستان لە بانگەوازێكیدا بۆ هاوڵاتیان باس لەوە دەكات، لە ئێستادا بڕێكی دیاریكراو لە ڤاكسین لە هەرێمی كوردستان بەردەستە بە پێی ڕێزبەندی و پێشینەیی بۆ تەمەنی سەرو 60 ساڵانەو لەگەڵ پزیشكانو كارمەندان و فەرمانبەران، هاوڵاتیانیش دەتوانن ناوی خۆیان پێی ڕێنماییەكان و پلانی بۆ داڕێژراو تۆمار بكەن.
دەقی بانگەوازەكە:
بانگەوازێك لە وەزارەتی تەندروستیەوە
هاوڵاتیانی بەڕێز ...
لەپێناو خۆپارێزی و كۆنتڕۆڵكردنی نەخۆشی ڤایرۆسی كۆڕۆنا، وەرگرتنی ڤاكسینی دژە ڤایرۆسی كۆڕۆنا وەك بەشێكی گرنگی ڕێكارەكانی خۆپارێزی دادەنرێت.
لە ئێستادا بڕێكی دیاریكراو لە ڤاكسین لە هەرێمی كوردستان بەردەستە بە پێی ڕێزبەندی و پێشینەیی بۆ (پزیشكان و كارمەندان و فەرمانبەرانی تەندروستی و مامۆستایانی پۆلی 12 و هاوڵاتیانی هەڵگری نەخۆشیە درێژخایەنەكان و خانەنیشان و بەساڵاچوان و هێزەكانی ئەمنی و ناوەخۆ و پێشمەرگە...هتد) بەتایبەتی بۆ تەمەنی سەرووی 60 ساڵی و هەر هاوڵاتیەكی تر كە بە پێی ڕێنماییەكان و پلانی داڕێژراو دەتوانێت خۆی ناونووس و تۆمار بكات لە سیستەمی پۆڕتاڵ و ئۆنڵاینی تۆماركردنی پێشوەختە بۆ وەرگرتنی ڤاكسینی دژە كۆڕۆنا بەم لینكەی خوارەوە:
http://vac.health.digital.gov.krd/
وەزارەتی تەندروستی
حكومەتی هەرێمی كوردستان
4 نیسان 2021