بافڵ تاڵەبانی: ئەبینە پارێزەری ڕاستەقینەی سلێمانی
بافڵ تاڵەبانی لەنوسێنێکیدا بەبۆنەی ساڵیادی ٢٣٧ ساڵەی شاری سلێمانی جەخت لەوە دەکاتەوە سلێمانی دەکەنە شارێک هەموو تاکێکی کورد شانازی پێوە بکات.
دەقی نوسینەکەی بافڵ تاڵەبانی، لەئەژماری خۆی لە فەیسبووک:
بەڵێن ئەدەم کە سلێمانی بکەینەوە بەو شارەی کە نەک تەنھا بۆ خەڵکەکەی بەڵکو بۆ ھەموو تاکێکی ئەم نیشتمانە جێی شانازی بێت، شارێک بێت بە باڵای ناسناوەکەی، کە (پایتەختی ڕۆشنبیریی، ھەڵمەت و قوربانییە) خزمەت بکرێت. بە ھەموو ھێزێکمەوە تێبکۆشم بۆ کۆتاییھێنان بە پەراوێزخراوی و کەموکوڕییەکانی ئەم شارە و گۆڕانکاریی ڕیشەی لە کەرتی خزمەتگوزاری و سەرجەم لایەنەکانی دیکە بکەمە پێشینەی کارەکانم.
بەڵێن بێت: ئەبینە پارێزەری ڕاستەقینەی سلێمانی، شارە حەیاتەکەی مام و پاراستنی گیان و ئاسایشی تاک بەتاکی ئەرکی سەرشانمان ئەبێت.
یادی ٢٣٧ ساڵەی دامەزراندنی شاری سلێمانی لە هەموولایەک پیرۆزبێت
بافڵ جەلال تاڵەبانی