دانوستانی ئەتۆمی و بێباکی میدیای کوردی

کوردستان 22/04/2021

کورتیلە رەخنەی سیاسی ژمارە (31)
دانوستانی ئەتۆمی و بێباکی میدیای کوردی

نوسینی: مەلا بەختیار
دانوستانی ئەتۆمی لەگەڵ ئێراندا، تەواوی میدیا جیهانیەکانی سەرقاڵ کردوە. ئەمەش ئەرکی میدیای هاوچەرخە. چونکە دەزانن بە چارەسەرکردنی، لایەنی کەم (25) ساڵ لە رۆژهەڵاتی ناوەڕاستدا، هەتا دەگاتە وڵاتانی دورەدەستیش، شەڕوشۆڕ دوردەخاتەوە.
مەخابن، میدیای کوردستانی و لایەنە سیاسیەکان، کەمترین بایەخ بەم دانوستانە دەدەن. دەیان کەناڵ، هەزاران سایت، پەیج و حیزب هەیە، لە بەرامبەر دانوستانی ئێران و رۆژائاوا، نوستوی گوێی گان.
لە یادی رۆژنامەگەری کوردیدا، میدیای کوردی، پێویستە هەڵسەنگاندنێک بۆ ئەم بێباکیە بکات. بە تایبەتی لە دانوستانەکەدا، کوردستان دەکەوێتە بەردەم دوڕیانێکی سیاسی چارەنوسساز! نۆبەرەکەشی خەڵات دانان بوو بۆ سەری سەرکردەکانی پەکەکە!!