وتار

پارێزەر لوقمان مستەفا ساڵح

وەزارەتی ناوخۆ بۆ وا خۆی تێکداوە؟

21/07/2020


پەندێکی کوردی ھەیە دەڵێت کوچک گەرمترە لە ئاگر ، ھەموو توومەتەکان روو لە پارتی دیموکراتی کوردستانە بە رادەستکردنی کچە شەرڤانەکەی رۆژ ئاوا (دالیا محمود ) پارتیش نەک بە سەرخۆیا ناھێنێ بە ڵکو وەک ئەوە وایە نەبای دیبێ نەباران، ناحەقیشی نیە مادام دەزگایەکی ئەمنی ھەبێ بەناوی حوکومەتی ھەرێمەوە خۆی بکاتە کەواسوری بەر لەشکر و لە بری لایەنێک وەڵام باتەوە، ئیتر ھەر ئەوەشە کە پارتی خۆی کردووە بە کەڕەی شەربەت، بەچاک بە خراپ ھیچ لێدوانێکی نیە.! 
بفەرموون و ببینن بزانن ھیچ کەس و لایەنێک یاخود کەس و کاری دالیا ناوی حکومەتی ھەرێمییان ھێناوە؟ پەنجە تومەتیان بۆ راکێشاوە؟ کەوا خۆی سەغڵەت کردووە.
+صاڵح مسلم ھاوسەرۆکی پێشوی (pyd) لە لێدوانێکیدابۆ ئاریا تیڤی سەبارەت بە رادەستکردنی برازەکەی دەڵێت ( دالیا محمود مسلم) لەلایەن پارتی دیموکراتی کوردستانەوە رادەستی میتی تورکیا کراوە) .بە هیچ شێوەیەک ناوی حکومەتی هەرێمی نە هێناوە.
تەنانەت بنەماڵەکەشیان لە سەر زاری باوکی دالیاوە روونکردنەوەیەکیان بۆ ڕای گشتی بڵاوکردەوە بە هچ جۆرێ پەنجەی تۆمەتیان بۆ حکومەت رانەکێشاوە کە دەڵێن :
کچەکەمان - دالیا محمود مسلم -  وەک سەرجەم کچان و کوڕانی باکورو ڕۆژهەلاتی سوریا پێش شەش سال پەیوەندی کردوە بە ( یەکینەکانی پاراستنی ژن YPJ ) بەمەبەستی بەرگری کردن لە گەل و نیشتمانی لە دژی ڕێکخراوی تیرۆرستی ( داعش ) .
لەبەر چەند هۆکارێکی تەندروستی پێش ( ٦ ) شەش مانگ دەستبەرداری هەڤالان و ئەرکەکانی بوو بەمەبەستی چارەسەرکردن ڕوی کردە هەرێمی باشوری کوردستان ، وە هەردەم لە پەیوەندی دابوو لەگەل خانەوادەکەی تا ماوەیێکی کەم بەر لە ئێستا پەیوندی کرد بەمەبەستی گەڕانەوەی بۆ ناو خانەوادەکەی لە ڕۆژئاوا بەلام سەرسام بوین بە ڕادەست کردنی بە دەسەلاتدارانی تورکیاو دەزگای مخابراتی .
بۆیێ ئێمە وایدەبینن دەسەلات لە هەرێمی باشور بەرپرسیارەتی بێ سەروشوێنکرنی لەباشور یان ڕادەستکردنی بە دەزگای هەوالگری تورکیای لە ئەستۆیە .
وە هەر ووتەیێک لەسەر زاری ئەو بگوترێ یان پێی بگوترێ لەژێر فشار ئەوە دورە لە ڕاستی تەنها مەبەست لێی پیسکردن و شێواندنی ئابڕوی خانەوادەکەی و دەزگاکانی خۆبەڕێوەبەریە لە ڕۆژئاوا .
داوا لە ڕێکخراوەکانی مافی مرۆڤی نێودەولەتی دەکەین لێپرسینەوە بکەن بە مەبەستی ئازادکردنی کچەکەمان لە چنگی مخابەراتی تورکیا وە گرێنتی گەڕانەوەی بکەن بە سەلامەتی بۆ ناو خانەوادەکەی .محمود محمد موسلم باوکی دالیای وونکراو- کوبانێ١٩ ی تەموز. 
ئەوەی جێی سەرنجە بەیانامەکەی وەزارەتی ناخۆیە ھێندە لاوازە و بە شپرزەیی و پەلەکوروزە نوسراوە و پەلەپەلی لێکراوە ھەرکەس بیبنێ وگوێبیستی بێت ھیچ شکو گومانی نامێنێ کە بە ئاشکرادیارە کەتنەکە کەتنی پارتی دیموکراتی کوردستانە.
+بەیانامەکەی وەزارەتی ناوخۆ (لە ڕاگەیەنراوێکدا وەزارەتی ناوخۆی هەرێمی کوردستان بڵاویکردەوە، دالیا مەحمود موسلیم ناسراو بە (ڤیان شەڕڤان) دوای ئەوەی واز لە هێزەکانی یەپەژە دەهێنێت لە گەڵ چەکدارێکی دیکەی خەڵکی بەدلیسی باکووری کوردستان بەناوی ( سەلام رەمەزان محەمەد ناسراو بە تولهەلدان ) کە لە ڕیزەکانی یەپەگەوە بووە، پەیوەندی خۆشەویستی دروست دەکەن و هەردووکیان بەیەکەوە بڕیاری وازهێنان دەدەن و ڕادەکەن. 
لە ڕاگەیەنراوەکەدا هاتووە، رەمەزان لە ڕۆژی 2020/7/9 بە ئارەزووی خۆی دەگەڕێتەوە تورکیا و پاشان دالیا مەحمود ساڵح بۆ پەیوەندی کردن بە سەلام لە ڕۆژی 2020/7/14 بە قاچاخ دەچێتە تورکیا و دواتر لە شاری مێرسین خۆی ڕادەستی پۆلیسی تورکیا دەکات. بۆیە هەرێمی کوردستان بە هیچ شێوەیەک پەیوەندی بەم بابەتەوە نییە.)
ئەگەر بە کردارەکی ئەم وەزارەتە وەزارەتی حکومەتی هەرێمی کوردستانە ئەوە دەبێت لێپێچینەوەی لە تەکدا بکرێت،بە دوو مەبەست
-ئەگەر لە ژێر فشاری لایەنێکدا هەستابێت بەدەرکردنی بەیانامەیەکی والاواز و بێ ئەرزش ئەوە دەبێت لایەنەکانی بەشدار لە دەسەڵات و بە  ئۆپۆزۆسیۆنیشەوە نابێ لێی بێ دەنگبن و دەبێت هەرچی زووە فشاری بۆ بەرن داوای روون کردنەوەی لێبکەن. 
-ئەگەر هەر وا سەربەخۆ هەستابێت لە بری لایەنێکی ساسی تۆمەتبار وەڵامی دابێتەوە کە هیچ پەیوەندی بە دەزگاکەی یەوەنیە ئەوە دەبێت حکومەتی هەرێم بێتەدەنگ و لپێچیەوەی لە تەکدابکات. ئەبێت ئەم دوو ئەگەرە بە ووردی شەن و کەو بکرێت و هەروا سەرپێی تەماشا نەکرێت،ئەگەر نا ئەوە خودی وەزارەتەکەو حکومەتەکەی جەنابی مەسروور بارزانی بێ لایەنی خۆی لەدەست دەدات و دەکەوێتە ژێر پرسیارەوە.

وتاری زیاتر

دیاردەی تاوانی دەستدرێژی سێکسی بۆ سەر منداڵان

پارێزەر لوقمان مستەفا ساڵح

دوورکەوتنەوە لە جنێودان و گەڕانەوە بۆ لۆژیک

پارێزەر لوقمان مستەفا ساڵح

بوون بە ئەندام کۆنگرە بەرپرسیارێتیە

پارێزەر لوقمان مستەفا ساڵح

یەکەم هەنگاو بەرەو دیکتاتۆریەت

پارێزەر لوقمان مستەفا ساڵح

گرنگی پرۆژە یاسایەک بۆ دروستکردنی میدیای نیشتمانی

پارێزەر لوقمان مستەفا ساڵح

تورکیا و عێراق.. ڕێککەوتنامەی ١٩٧٨

پارێزەر لوقمان مستەفا ساڵح

دێرین عزەدین

تکایە ئاگاداری هاوژینەکەتان بن..

بارزان شێخ عوسمان

لە پەراوێزی پەلامارە تێرۆریستییەکەی فرەنسادا

رزگار حاجی حەمید

دەسەڵاتی پاشایەتی لە عیراقدا و مەرگی پاشاكان (باپیر و باوك و كوڕ)

رزگار حاجی حەمید

ڕۆڵی وڵاتانی دەوروبەر لە ململانێی مەزهەبییەكانی عیراقدا

گوڵزار حەمە فەرەج

بەرھەمەکانی شێخ سەلام و گەوھەری یەکتا

مامۆستا بورهان

ھەندێک لە دیاردەکانی دوای شەڕی جیھانی یەکەم

کەمال محەمەد

موبیلیزەكردنی پەرلەمان

فەریق حەبیب

حه‌شدی‌ شه‌عبی‌ له‌به‌رده‌م چه‌كوشه‌كه‌ی‌ مسته‌فا كازمیدا

ئەحمەد محەمەد سەعید

سەندیکای کرێکاران بۆچی؟

رزگار حاجی حەمید

پەیماننامەی ساڵی 1930 و كاردانەوەی لەسەر كورد

چێنەر شەرعی

ڕیفراندۆم و لێکەوتەکانی

سامان سنجاوی

لەبری بیرەوەری، هەڵسەنگاندنی روناکبیران و جنێوه‌ كۆمێنتی هەواداران

کەمال محەمەد

سلێمانی، شاری شۆڕش و بریسكە ڕۆشنبیرییەكان

نەشوان ئەحمەد سەعید

كەفوكوڵی گۆران و گۆرانخوازان تا یٔێرە بو!

رزگار حاجی حەمید

دەڤەری كفری لە پێشوازی شێخ مەحمود دا

کەمال محەمەد

رەهەندەكان لە راستینەیی كورددا... كۆمەڵایەتی، كەلتوری

نەشوان ئەحمەد سەعید

مەلا بەختیار، پێویستی بە مەندوب نیە!

بارزان شێخ عوسمان

لەپەراوێزی پێشنیازە قانونییە هەڵپەسێراوەکەی رێكخستنی میدیای یٔەلکترۆنی

نسار مستەفا

شوێنەواری هەڵبژاردنەكان

ئەحمەد محەمەد سەعید

کرێکارو خاوەنکار لەقانونەکانی ناپلیۆندا