وتار

ماجد خەلیل

کەڵبەی گورگە بۆرەکان و دوگی نەرمونیانی هەولێر!

17/06/2020


نەتەوە، تەنها نەژادێکی ناو مێژوو نییە، نەتەوە بە پرۆسەیەکی پڕ پێچوپەنای رۆژگاردا رێگەدەبڕێت.
 لە هەر قۆناغێکدا، قۆڵی لە قۆڵی ئابوری و فەرهەنگ و فیکرو فەلسفەیەکدا تێکەڵدەکات، لە هەر وێستگەیەکدا وانەیەک و لە هەر هەنگاوێکدا هێمایەکی هێزی نەتەوەگەراییەکەی پێوە دەلکێ.

ئێمەی کورد، بەپڕۆسەیەکی بەتین و بە ئەزمونێکی ئاوەدانی مێژوودا دەستمان گیرایە یەخەی دەوروبەر، چاپوکسوارەکانمان چراکەیان لەدەستدا بوو، بەنێو شەوەزەنگی عروبەو عەجەم و شوانکارەکانی تورکدا رێگەیان بڕی. بەڵام کەچی؟

مەغۆل، بەو هەموو تیرەو بەرەبابەوە، بەو هەموو بەڕبەڕییەت و برسییەتەوە، بەو هەموو زوقم و زبڵەی دڕکوداڵی سارا وشکەکانی سیبریاوە، لەمێژوویەکی لەچاو مێژووی ریشسپی ئێمەدا، دوێنێ نا پێرێ بوو، دەستیانگرت بەسەر ژیارە ژاکاوەکەی رۆژهەڵاتداو نەیانهێڵا نەویبێت. ئەوان ژیاری رۆژهەڵات قوتیدان، ئەوانی داهێنەری یاسا، ئەسپەکانیان لە ڕۆخی دیجلەو فوڕاتدا تێراوبوون و دەستی بەشمشێریان، بوویە دەستێکی داهێنەرو بەسەر سکی تێری ساراکاندا ئۆقرەی گرت.

ئێمەی کورد، وەک پارویەکی پەلەپڕۆزێ، پەڕاینە قوڕگی قۆناغەمێژووییەکەوە، وەک پارویەکی چەوری چارەڕەش، چۆڕاینە گەرووی شارستانییەتی رۆژهەڵاتەوە. 
هەتا ئێستایش نە دەتوانن قوتمانبدەن، نەیش دەتوانین بێینەدەرێ و بمانتفێننە نێو زەلکاوەکەی رۆژهەڵاتەوە. 

بەڵێ تاوەکو ئێستایش، کەمای کەلتوری کاوێژی ئەوانین. تاوەکو ئێستایش بنێشتەخۆشەی سەر زاری زەماوەندی دەوڵەتداریی و دیموکراسیی و دینداریی دەوروبەرین.

کەس نازانێ، سڕڕی سیحرەکە لەکوێدایە، کەس نازانێ، سوچی سیاسەتەکە لە میرات و میمۆری کامە دەستبڕی دنیادایە؟ 
ئەم سەبری بندەستییە، کەی سەرڕێژدەبێ؟ 
ئەم ئامێزەی کازمییەکان، کەی گەرممان دەکاتەوە؟
 ئەم لورەی گورگەبۆرانەی ئەنادۆڵ کەی کەڵبەیان لە دووگی نەرمونیانی هەولێر دەبێتەوە؟
 ئەم مەکرو مارەییەی رۆحانییەکان کەی بەتاڵ دەبێتەوە؟
 کەس نازانێ، کەس؟

وتاری زیاتر

لەپەراوێزی تۆبەکەی (هێڤیدار)دا

ماجد خەلیل

زارا، پارێزەری کیانی زمانەوانی کوردییە!

ماجد خەلیل

تشریبەکەی (دوزخورماتوو) و تەماتەی تاوە قوپاوەکەی خەیاڵی من!

ماجد خەلیل

ئەو ڕۆژەی (دکتۆر یوسف) بوو بە سەرۆکی پەرلەمان!

ماجد خەلیل

تورکیا بەیەکچاو سەیری (جاش) و (جەنگاوەر)ی کورد دەکات!

ماجد خەلیل

تەزبیحفرۆشە دان ئاڵتونییەکەی بەردەم مزگەوتی گەورە!

ماجد خەلیل

‎گەرمیان خالید گڕاوی

ئازادی‌و بەرەڵایی

فەریق حەبیب

گه‌ڕانه‌وه‌ی‌ سیستمی‌ ئینتیداب چاره‌سه‌ره‌ بۆ قه‌یرانه‌كانی‌‌ رۆژهه‌ڵات؟

سابیری سەندیکا

جینۆسایدی ئێزدیەکان

سەروەت تۆفیق

چەند سەرنجێک لەسەر هەڵبژاردنی پێشوەختە لە عێراق

ماجد خەلیل

لەپەراوێزی تۆبەکەی (هێڤیدار)دا

نسار مستەفا

قەیرانی ئابوری و چارەسەر

د. کۆیار شێرکۆ

ژیان لە نێوان ئاپۆلۆ و دایۆنایسسدا

پارێزەر لوقمان مستەفا ساڵح

وەزارەتی ناوخۆ بۆ وا خۆی تێکداوە؟

سەروەت تۆفیق

لیبیا لە شەڕی ناوخۆییەوە، بۆ شەڕی نێودەوڵەتی

کەمال محەمەد

هەستكردن بە ئەخلاقی سیاسی و حەقیقەتێكی دیكەی تاڵ

دارەوان حاجی حامید

وەرگێڕانی کتێبەکەی جۆن بۆڵتن بۆ؟

ئەحمەد محەمەد سەعید

کرێکارو دادگای کار

چێنەر شەرعی

سەرئەنجامی ھەڵپەساردنی کۆبوونەوەکانی پەرلەمانی کوردستان

سەروەت تۆفیق

دەستوور چۆن وەڵامی داواکاری بە هەرێم بوونی بەسرە دەداتەوە؟

ماجد خەلیل

زارا، پارێزەری کیانی زمانەوانی کوردییە!

برایم محێدین عارف

حکومەتی هەرێم ، بەردەوامی مانەوە یان لێک ترازان

محەمەد فاتیح

به‌ته‌نها ده‌ستی مامۆستاكه‌ نا، ده‌ستی هه‌مومان به‌ستراوه‌یه‌

بڵێسە جەبار فەرمان

بەناوی خزمەتی خەڵک نانی خەڵک مەبڕن

ئەحمەد محەمەد سەعید

کرێکارو دادگای کار