وتار

ماجد خەلیل

رۆمی و رووداو!

26/04/2020


پڕ بە گەرووی گەمەیەکی ئایدۆلۆژیی ئێکسپایەر، رەوای هەقە رۆڵەڕۆیەک بەدەنگی بەرزبکرێت ، رۆڵەڕۆیەک بۆ کۆستی نەوەیەکی بارهێنراو بەم میزاج و میتۆدەی کە ڕووداو رابەرایەتی راهێنانی دەکات.
هەقوایە پێش ئەو فیکرو فەزایەی کە رووداو دژایەتی دەکات، ئەوانە بێنە وەڵام کە پشتگیرییان دەکات. چون رووداو سواری شەپۆلی ساویلکەیی بووە. لە بایەکی رەدوکەوتووی داماوگەراییەوە شەندەکات و لە ئاوەڕۆیەکدا رمڵلێدەدات کە بەس قوڕاوی قەیرانی عەقڵی لێخەستدەبێ.
بەڵێ ئێستا جڵەوی جەوانانی جێماو، لەدەستی رۆمییەکاندایە، ئەو رۆمیانەی لە شاشەی شینگێڕی ئایدۆلۆژیای رووداوەوە رەنگەکان تاردەنێت و تەنها رەنگێ زەقدەکاتەوە. رەنگێکی تێکەڵ لە تامی نەوت و نەریت، رەنگێکی تێکەڵ لە ترادیسیۆنی خێڵ و خەیاڵی فەرهود، رەنگێکی تێکەڵ لە وەسوەسەو دڵپیسی و دنیای نێرسالاریی.
چ عارێکە لەم عەیاما، لەناو ناوەندی رۆشنبیریی کوردیدا، لە سایەی سیحری شکاندنی سەنەمەکانی داعشدا، لەپاڵ پێشمەرگەگەلێ کە خوێنی سەری بڕاویان هێشتا وشک نەبووەتەوە، رۆمی رێگای بۆتەختدەکرێ و سمێڵی تاشراوی بە باوەڕێکەوە چەوردەکا، کە پیت بە پیتی پەیڤەکانی، وشەی چنگ و وشەی ورگ و وشەی دیوەخان و وشەی دڵپیسی و وشەی وێرانی پیاوسالاری و وشەی دۆگماو وشەی خەنجەر لەکەمەرو وشەی بازرگان و بەڕبەڕییەتیان لێدەچۆڕێ.
کەسێک، کارەکتەرێک لە بەرگی هونەرمەندا، یابوویەکی یەئسی جوانی، یارۆیەکی دەستەپاچەو دۆڕاو لە دەرونی ئازادی و ماف و عەقڵی ئازادا، هێنراوەتە پێشێ و لەبەردەم چەند بوکەڵەیەکی بێ رۆحی ژنبووندا، لە بەردەم چەند قوربانییەکی ناسنامە دزراوی ژنبووندا، قاقا پێدەکەنێ و پێدەنێ بە ئازادی و ئیرادەی مرۆڤبونی ژنداو وەک پیاوێک ناز دەڕژێنێ بەسەر زەعیفە بوونی ئەوانی ژندا.
بەڵێ وەک پیاوێک بە غرورەوە، غەبغەبەی پڕ دەکا لە فوی فیزی نێرییەتی و بەچەپ و بە ڕاستا سنوردەکێشێ و خەتخەتێنی کچۆڵەکان کاڵدەکاتەوە و بە خەتی سوری چونەدەرەوەیان لەماڵ و خەتی سوری پێکەنین و خەتی سوریی دڵداری و خەتی سوری زیندان، چوارچیوەیەکیان بۆدادەنێ و لەودیوی تەلبەندەکانی حەیاو حیکایەتەکانی حەرامو حەڕاڵەوە بە غرورەوە بای بایان بۆدەکا.
بەڵێ تڕکەنێک دێت و لە هۆشیاریی دەیان قەڕنی پێش ئێستاوە بۆنی تاریکی دەپرژێنێ، دێت و داوی پیاوسالاریی پانتر دادەنێت و نێچیرەکانی بەردەمی راودەکاتەوە.
چ نەنگییەکە هێشتا نەریت چاوساغە و هێشتا هازی هونەر لە هەوای سەری ئەم عەقڵ پڕ قسڵ و قەیرانەدایە.
چ داخێکە دنیای ئێمە لە بازنەی رووداوێکدایە کە رووزەردی زەمەنی زێڕینی ئازادییە، کە هەردوو پاژنەی خۆی لەناو لم و دڕکوداڵی ساراکاندا قڵیشاوەو لەبری خوێنی سەردەم، نەوت و نەریت دایدەگیرسێنێ.
بەڵێ رووداو، پەیامەسیاسییەکەی با بوەستێ چەندە قێزەونە، لە رووماڵی تەواوی رەوشی پەتای کۆرۆنادا، ئەوپزیشکانەی هێنایە سەر شاشە، کە شەپۆلی زانست دابوونیە کەنارو لە لێواری بیابانەوە بانگەوازی ئیماندارییان دەکرد! رێکوپێک، گەوجاندن، گەمەی هۆشبەری موچەو، گەمەی قوماری قوتدانی قەیرانەکان، گەمەی گەعدەی گەندەڵیی، پەیمانەی پڕ بەجامی دەستی هەموو هاوڵاتییەک، ئێستە کاری سەرەکی رووداوەو رووی راستەقینەیش مژوڵ دەکا بە رۆمی و یەک هەواڵی بابایەکەوە کە یەک دێڕ، تەنها یەک دێڕی لەو دنیایە نەناسیوە کە وتاری حەماسی بۆ دەدا.
تێبینی: رۆمی هەرکی،یان هەرکی رۆمی بوو. بەرنامەکەم دی، بەرنامەی گفتوگۆی کچانە. کۆمەڵێ بێجای وت، وەک ئەوەی پیاوەو جیاوازەو تاقەتی عەقڵی ساویلکەو ئیزعاجی کچانی نیە. کچەکانیش بە ئیرەییەوە لە پیاوبوونی واقیان وڕمابوو.

وتاری زیاتر

لەپەراوێزی تۆبەکەی (هێڤیدار)دا

ماجد خەلیل

زارا، پارێزەری کیانی زمانەوانی کوردییە!

ماجد خەلیل

تشریبەکەی (دوزخورماتوو) و تەماتەی تاوە قوپاوەکەی خەیاڵی من!

ماجد خەلیل

ئەو ڕۆژەی (دکتۆر یوسف) بوو بە سەرۆکی پەرلەمان!

ماجد خەلیل

تورکیا بەیەکچاو سەیری (جاش) و (جەنگاوەر)ی کورد دەکات!

ماجد خەلیل

کەڵبەی گورگە بۆرەکان و دوگی نەرمونیانی هەولێر!

ماجد خەلیل

نەشوان ئەحمەد سەعید

كەفوكوڵی گۆران و گۆرانخوازان تا یٔێرە بو!

رزگار حاجی حەمید

دەڤەری كفری لە پێشوازی شێخ مەحمود دا

کەمال محەمەد

رەهەندەكان لە راستینەیی كورددا... كۆمەڵایەتی، كەلتوری

نەشوان ئەحمەد سەعید

مەلا بەختیار، پێویستی بە مەندوب نیە!

بارزان شێخ عوسمان

لەپەراوێزی پێشنیازە قانونییە هەڵپەسێراوەکەی رێكخستنی میدیای یٔەلکترۆنی

نسار مستەفا

شوێنەواری هەڵبژاردنەكان

ئەحمەد محەمەد سەعید

کرێکارو خاوەنکار لەقانونەکانی ناپلیۆندا

‎گەرمیان خالید گڕاوی

ئازادی‌و بەرەڵایی

فەریق حەبیب

گه‌ڕانه‌وه‌ی‌ سیستمی‌ ئینتیداب چاره‌سه‌ره‌ بۆ قه‌یرانه‌كانی‌‌ رۆژهه‌ڵات؟

سابیری سەندیکا

جینۆسایدی ئێزدیەکان

سەروەت تۆفیق

چەند سەرنجێک لەسەر هەڵبژاردنی پێشوەختە لە عێراق

ماجد خەلیل

لەپەراوێزی تۆبەکەی (هێڤیدار)دا

نسار مستەفا

قەیرانی ئابوری و چارەسەر

د. کۆیار شێرکۆ

ژیان لە نێوان ئاپۆلۆ و دایۆنایسسدا

پارێزەر لوقمان مستەفا ساڵح

وەزارەتی ناوخۆ بۆ وا خۆی تێکداوە؟

سەروەت تۆفیق

لیبیا لە شەڕی ناوخۆییەوە، بۆ شەڕی نێودەوڵەتی

کەمال محەمەد

هەستكردن بە ئەخلاقی سیاسی و حەقیقەتێكی دیكەی تاڵ

دارەوان حاجی حامید

وەرگێڕانی کتێبەکەی جۆن بۆڵتن بۆ؟