وتار

بەرهەم كەڵهوڕی

جوڵێنه‌ری سه‌ره‌كی خۆپێشاندانه‌كانی عێراق

6 رۆژ پێش ئێستا


عێراق ووڵاتێكی فره‌ نه‌ته‌وه‌ و فره‌ ئایین و فره‌ مه‌زهه‌به‌ ،له‌ وولاتانی تری دونیاش فره‌یی هه‌یه‌ ، به‌ڵام ئه‌وه‌ی ئه‌وان به‌وه‌ له‌ هی ئه‌وه‌ی عێراق جیا ده‌كرێته‌وه‌ كه‌ ئه‌وان ئه‌و فره‌ییه‌یان خستۆته‌ خزمه‌تی دیموكراسی ، كه‌چی ئه‌وه‌ی عێراق بووه‌ به‌ هێنانه‌ دی قۆناغی فوزای سیاسی و دژایه‌تی یه‌كتر و یه‌كتر قبوڵ نه‌كردن ، هه‌رچه‌نده‌ ده‌گوترێت له‌ نێوان قۆناغی نادیموكراسی و قۆناغی دیموكراسی قۆناغێكی تر هه‌یه‌ كه‌ ئه‌ویش پێی ده‌ڵێن قۆناغی فه‌وزای سیاسی ، به‌ ده‌لیلی ئه‌وه‌ی عێراق دوای ڕووخانی ڕژێمی دكتاتۆری فاشیتی به‌عس له‌ ساڵی 2003 و ئه‌وه‌ش كه‌ ڕویدا  به‌ناوی به‌هاری عه‌ره‌بی له‌ ووڵاتانی تونس و میسرو لیبیا و ...هتد نه‌توانرا به‌ شێوه‌یه‌كی ڕاسته‌وخۆ بگوازرێنه‌وه‌ بۆ قۆناغی دیموكراسی ، عێراق به‌هه‌مان شێوه‌ تا ئێستاش هه‌ر به‌ ڕك و كینه‌ و دژایه‌تی یه‌كتر مامه‌ڵه‌ له‌گه‌ڵ یه‌ك ده‌كه‌ن و سیسته‌می حوكمڕانیش نه‌یتوانیوه‌ به‌ گوێره‌ی پێویست خواست و پێداویستیه‌كانی هاوڵاتیان فه‌راهه‌م بكات ، ئه‌وه‌ی كه‌ كراوه‌ ته‌نها بریتی بووه‌ له‌ كۆتایی هێنان به‌ حوكمێكی دكتاتۆری تاك ڕه‌وی ,ساڵانه‌ كه‌ ڕیزی به‌ندی ووڵاته‌ گه‌نده‌ڵه‌كان ئاشكرا ده‌كرێت، عێراق له‌ ڕیزه‌كانی پێشه‌وه‌ی له‌و لیسته‌یه‌ ، ڕێژه‌ی بێكاری و هه‌ژاری  به‌رزه‌ ، هاوڵاتیان ده‌ناڵێنن به‌ ده‌ست نه‌بوون و خراپی خزمه‌تگوزاریه‌كان ، كه‌واته‌ هاوڵاتیانی ئه‌م ووڵاته‌ به‌ عێراقیشه‌وه‌ شۆرش و به‌رخۆدانیان كردووه‌ له‌ پێناو گۆڕینی ئه‌و ڕژێمه‌ دكتاتۆرانه‌ ، به‌وه‌ ڕازی نابن ته‌نها ئازای فه‌راهه‌م بكرێت هه‌رچه‌نده‌ ئه‌و خاڵه‌ش تێبینی زۆری له‌سه‌ره‌ ، به‌ڵكو داوای ژیانێكی خۆش و پڕ له‌ ڕه‌فاهیه‌ت ده‌كه‌ن ، ئه‌وان بۆ ئه‌وه‌ تێنه‌كۆشان تا دكتاتۆر به‌ گه‌نده‌ڵ بگۆڕنه‌وه‌ ، به‌ڵكو بۆ هێنانه‌ كایه‌ی سیسنه‌مێكی پڕ له‌ دیموكراسی و خۆش گوزه‌رانی و به‌رجه‌سته‌ كردنی مافی هاوڵاتی بوون و ژیانێكی به‌ شكۆ و كه‌ڕامه‌ت تێكۆشان ، هه‌ر بۆیه‌شه‌ بینیمان له‌ ووڵاتی عێراق و میسریش ته‌نانه‌ت دوای ڕووخانی دوو ڕژێمی دكتاتۆری ( سه‌دام حوسێن و حوسنی موباره‌ك ) خۆپێشاندان هه‌ر به‌رده‌وامه‌ ، چونكه‌ ئه‌وان گوزارشت له‌وه‌ ده‌كه‌ن كه‌ هێشتا ئاوات و ئامانجه‌كانیان نه‌هاتۆته‌ دی به‌ هێنانه‌ كایه‌ی ئه‌و ده‌وڵه‌ته‌ی كه‌ باسمان كرد ، كه‌واته‌ هه‌موو ئه‌و فاكته‌رانه‌ بوونیان هه‌یه‌ كه‌ ده‌بنه‌ هۆی ئه‌وه‌ی هه‌ر لایه‌ن و حزب و ده‌وڵه‌تێكی ده‌ره‌كی گه‌ر بیه‌وێت ئه‌و شه‌قامه‌ ده‌جولێنێت ، فاكته‌ره كانیش بریتین له‌ بوونی گه‌لێكی توڕه‌ ، نه‌بوونی دیموكراسی پێویست ، بوونی ڕێژه‌ی هه‌ژاری و بێ كاری و نه‌بوونی خزمه‌تی گوزاری پیویست بۆ هاوڵاتیان وه‌كو خزمه‌تگوزاری ته‌ندروستی ، ئاو ، كاره‌با ، .... هتد , بوونی گه‌لێك كه‌ هێشتا ناتوانێت نه‌هێڵێت ئامانجی سیاسیه‌كان تێكه‌ڵ به‌ داوا ڕه‌واكانیان بكرێت ، به‌ڵكو هه‌ر لایه‌نێك بیانوروژێنێت و ڕابه‌ڕایه‌تی توڕه‌ییه‌كانیان بكات ئه‌وا ئه‌وان ئاماده‌ن به‌دوای بكه‌ون ، بینیمان دروشمی خۆپێشانده‌ران زیاتر جه‌ختی له‌ دژایه‌تی گه‌نده‌ڵی و نه‌بوونی خزمه‌ت گوزاریه‌كان ده‌كرده‌وه‌ ، زۆر جار ده‌گوترێت باشترین و كورترین پێناسه‌ كه‌ بۆ عێراق بكرێت بریتیه‌ له‌ ووڵاتێكی ده‌وڵه‌مه‌ند و گه‌لێكی هه‌ژار ، سیاسیه‌كان هه‌روا ده‌وڵه‌مه‌ند ده‌بن و هاوڵاتیش له‌ هه‌ندێ شوێنی ئه‌م ووڵاته‌ ئاوی خاوێن نیه‌ بیخواته‌وه‌ ، نه‌خۆشخانه‌ی باش و ده‌رمانی پێویست نیه‌ بۆ نه‌خۆش ، قوتابخانه‌ حكومیه‌كان ئاستی خوێندن تیایاندا به‌ گوێره‌ی پێویست نیه‌ ، .....هتد . 
زۆر جار باس ده‌كرێت كه‌ جوڵینه‌ری ئه‌م خۆپێشاندانانه‌ ئێرانه‌ له‌ به‌رگی حزبه‌ شیعیه‌كان  دژی عادل عه‌بدول مه‌هدی بۆ هه‌ره‌س پێهێنانی كابینه‌كه‌ی به‌ بوونی كۆمه‌ڵێك بیانوو  ، یاخود ئه‌مریكایه‌ دژی عه‌بدول مه‌هدی بۆ ئه‌وه‌ی زیاتر بخاته‌ ژێڕ ڕكێفی خۆی ....هتد ، به‌ڕای من جولێنه‌ری سه‌ره‌كی بۆ ئه‌م خۆپێشاندانه‌ بریتیه‌ له‌ بوونی گه‌نده‌ڵی نه‌بوونی خزمه‌تگوزاریه‌كان و سیته‌مێكی حوكمڕانی هاوچه‌رخ ، چونكه‌ گه‌ر ئه‌مانه‌ چاره‌سه‌ر كران ئه‌وا هیچ لایه‌نێك ناتوانێت توڕه‌ییه‌كانی هاوڵاتیان بقۆزێته‌وه‌ بۆ مه‌رامه‌ سیاسیه‌كانی .

وتاری زیاتر

كوا مافی كۆڵه‌كه‌كانی حیزب ؟!

بەرهەم كەڵهوڕی

كۆنگره‌ به‌ شه‌رتی گۆڕانكاری

بەرهەم كەڵهوڕی

ڕۆژئاڤا و ئاسۆیه‌كی ڕوون

بەرهەم كەڵهوڕی

فره‌ ڕه‌نگی و كێشه‌ی ديموكراسی

بەرهەم كەڵهوڕی

هێشتا هه‌ر سه‌رده‌می ته‌وافـــوقاته‌

بەرهەم كەڵهوڕی

چۆن ده‌سته‌به‌ری زیاتری مافه‌كانمان بكەین؟

بەرهەم كەڵهوڕی

د. سەروەر عەبدولرەحمان

بەڕێز فەیگن... هەست بە شەرمەزاری ناكەن!؟

مەلا بەختیار

ناكۆكیەكانی سەرۆك ترامپ!!

شاناز هیرانی

ژینگه‌ كۆمه‌ڵایه‌تیه‌كه‌ی (داعش)

د. سەلام عەبدولكەریم

وردەكاری رێكەوتننامەی ئەدەنەی نێوان توركیا‌و سوریا 1998

ماجد خەلیل

قومار لە خوێنی سیاسەتی (ترامپ)دایە

مەلا بەختیار

ترامپ، بڕیارە چاوەڕواننەكراوەكان و رۆژئاوای كوردستان

بەرهەم كەڵهوڕی

جوڵێنه‌ری سه‌ره‌كی خۆپێشاندانه‌كانی عێراق

شاناز هیرانی

ژنانی داعش بۆمبێكی ته‌وقیتكراو

کەمال محەمەد

ڕۆژئاوای كوردستان لە نێوان بەرداشی زلهێزەكان و تێكۆشانی ئازادیدا

مەلا بەختیار

چلەی جوامێرێكی لوتكە (حەمەی فەرەج)

شاناز هیرانی

ژن و یه‌كێتی

ئەحمەد محەمەد سەعید

ترسی سەرمایەداری لە فشاری کرێکاران

نیگار عومەر

ژن و ئایندەی سیاسی

مەلا بەختیار

راپەڕین لەنێوان حكومەتەكان و حزبەكان و سۆسیال - میدیادا

بارزان شێخ عوسمان

دەستەواژەی سەرۆک مامجەلال بۆچی ؟!

مەلا بەختیار

مامە گیان لە ویژدانای

کەمال محەمەد

خۆپیشاندانەكانی عێراق و پێشهاتەکانی

نیگار عومەر

عەقڵییەتی سمێڵ بابڕی

شاناز هیرانی

ژنان له‌ناو پرۆسه‌ى سياسیی كوردستاندا

هاوڕێ توانا

ئێرانی ئایدۆلۆجیا و ئەمریکای تەکنەلۆجیا

کەمال محەمەد

قەیرانی ڕۆشنگەری