خەلیفەی بێ خەلافەت !
دوای پێنج ساڵ لە دیار نەمانی بە گوزارشتی خۆیان شێخی نادیار ئەبوبکری بەغدادی ، دەرکەوتەوە دەرکەوتنی ئەم جارەیی خەلیفەی دەوڵەتی ئیسلامی ناسراو بە (داعش ) دەرکەوتنێک بوو کەبەراورد بەیەکەم دەرکەوتنی لە مەزگەوتی حەدبای موسڵ تەواو جیاوازبوو
چونکی(خەلیفە) هەم بە شکل گۆڕابوو پۆشتەی و سیمایی خەلیفە ئاسایی لەدەست دابوو ، هەم خەلیفە خەلافەت و ئەو جوگرافیایی پانو پۆڕی خەلافەتی لەدەست دابوو،
جا خەلافەتێک کەجوگرافیاکەی بەقەد جوگرافیایی وڵاتێکی وەکو بەریتانیا بوو ، ئیدی پێدەچێت کە غایەی دەرکەوتنی خەلیفە لەم کات و ساتەدا بۆ جیهادیستەکان ئاوێکی ساردی بەدەرونی شکست خواردووی گڕگرتویاندا کردبێتەوە ،
خۆشی نیازی بێت کە عەڕزی مانەوەی بکات ، ئەگینا پێناچێت کەوا ئەم دەرکەوتنەی خەلیفەی بێ خەلافەت جارێکی تر ترسێکی بخاتەوە ، بازاڕی ڕۆژهەڵاتی ناوەڕاست، چونکی سەردەمی داعش وەک دوڵەت و خەلافەت بەکۆتا هاتو داشی داعشیش هەم بۆ تەیفی سوننەی عێراق و شام کە تەهیمش کراوی دەسەڵات بوون ، خراپ کەوتەوە و بەهۆیەوە تەفنیش کران وە هەمیش بۆ ئەو دەوڵەتانەی ناڕاستە تەمویل و تەوجیهی داعشیان کرد خراپ کەوتەوە ،
چونکی بە تەجروبە دەرکەوت کەداعش نە ئایدۆلۆجیاکەی هی ئەم سەردەمەیە، نە هێزێکە لە زمانی سەردەم دەگات ،داعش دەوڵەتێک بوو کە بیرۆکەی مەسحی سنور و فەتحی دنیای لە هەگبەدا بوو دەوڵەتێک کە داهێنانی لەمەرگدا کردوو جگە لەمەرگو وێرانە ئیزافەی تری بۆ ژیان پێ نەبوو، داعش لەماوەی خەلافەتیدا هەزاران پردی تەقاندەوە کەچی پردێکی بۆ نۆژەن نەکرایەوە ! بە هەزاران مرۆڤی سەربڕی کەچی بریندارێکی بۆ چاک نەدەکرایەوە کەچی جیهادیستەکانی (خەلیفە) لەسەر هەر کەلاوەیەکی تەقێندراوی ڕوخێندراو دەیان نوسی (دەولە ئیسلامیە باقیە ! )