وتار

پارێزەر لوقمان مستەفا ساڵح

پێشێلکردنی یاسا نێودەوڵەتیەکان لەلایەن تورکیاوە

28/01/2019

لەدژی شەهیدكردنی پێنج هاوڵاتی هەرێم لە ناحیەی شیلادزێی سەر بە قەزای ئامێدی،  لە رۆژی 23/١/٢٠١٩  بەهۆی بۆردومانی فڕۆكە جەنگیەكانی توركیاوە لە سنوری ناحیەی دێرەلوك, 4 هاوڵاتی هەرێم شەهیدبون, كە  رۆژی پێنجشەممە و  شەممە بەخاك سپێردان, چارەنوسی دوو كەسی دیكەش دیارنیە.  کەحکومەتی هەرێم و عێراق لەبری پارێزگاری لەخاک و دانیشتوانەکەی،دەبوو وەڵامی دەست درێژیەکانی دەوڵەتی دەست درێژکار بەنەوە کە دەکرێتەسەر خاک و گەلەکەی، کەچی بەداخەوە هەردوولایان ئیدانەی خۆپێشاندانەکان دەکەن و دڵدانەوەی دووژمن دەکەن،ئەم هەڵوێستە لەهیچ کونجێکی ئەم دوونیایە بەدی ناکرێت.!.. بریا هەروەک پێشتر بێ دەنگیان لە کوشتنی خەڵکی سڤیل هەڵبژاردایە نەک هەڵوێستی شەرمەزاری.!  لەبەر بێ هەڵوێستی ئەمان  بەناچاری خەڵکی بەئەمەکی دەڤەری شیلادزێ خۆپیشاندانیان كرد و بەشێك لە خۆپیشاندەران چوونە سەر بارەگایەكی سەربازی سوپای توركیا و بارەگاكە و ئۆتۆمبێل و كەلوپەلە سەربازیەكانیان لە ناو بارەگاكەدا ئاگر تێبەردا.دانیشتوانی دەڤەرەکە بەم ئەرکە نەتەوەیی و نیشتیمانیەیان حکومەتی عێراق و هەرێمیان لە پێش چاوی کۆمەڵگەی نێودەوڵەتی ئیحراج کرد،کەهەریەکەیان بەرژەوەندی خۆیان بەلاوەگرنگترە لە گیانی هاوڵاتیەکانیان و پێشێلکردنی سەروەری خاکەکەیان، کەبەردەوام باسی سەروەری و سیادەی عێراق دەکەن.!
دیارە ئەمە یەکەمین جار نییە ڕژێمی تورکیا بەشێوەی هەڕەمەکی و شەلم کوێرم دەس ناپارێزم خەڵکی بێ دیفاعی کوردی کردۆتە ئامانج، هەموو جارەکانیش پاساوی ئەم هێرش و پەلامارەی گرێداوە بەبوونی هێزەکانی پارتی کریکارانی کوردستان "پەکەکە”وە بەهیچ جۆرێ دەستی نەپاراستوە لە شەهیدکردنی ژن و مناڵی کورد، وێرانکردنی گوند و رەزو باخ وکانیاوە کانی کوردستانی خاپور کردووە.  
بەڵام،، گومان لەوەدا نییە کە بوونی هێزەکانی پەکەکە تەنها ڕووپۆشێکە بۆ چەندین ئامانجی تر و بیانویەکی ئاشکراشە بۆ ڕەوایی دان  بە دەستێوەردانی سەربازی لەهەلومەرجی ئێستای عێراق و بەدیاریکراویش لە هەرێمی کوردستاندا.
ئەم ئامانجانەی تورکیا و ئەم جموجۆڵ و هەڕەشە بەردەوامانەی بۆ ئەم ئامانج و بەرژوەندییانە دەستی داوەتی. هەر ئێستا ناوچەکەی هەژاندوەو فەزای ترس و دڵەڕاوکێیەکی گەورەی بەسەر خەڵکی کوردستان و ناوچەکەدا زاڵکردووە،دەست ناپارێزێت،خەڵکی سیڤیلی کردۆتە ئامانج. ئەم دەست درێژیکردنە بۆ سەرخاکی کوردستان و کوشتنی خەڵکی بێتاوان،لەگەڵ ئەوەی پێچەوانەی بنەماکانی مافی مرۆڤە لەهەمان کاتدا پێچەوانەی یاسا نێودەوڵەتیەکانیشە.

هەر بەپێی بنەمایاساییە نێودەوڵەتیەکان هێرش بۆسەرهەرێمی کوردستان بە پێشێلکردنی  یاسای نیودەوڵەتی لەقەڵەم دەدرێت، چونکە ئەو یاسایەی کە  لە ساڵی   ١٩٩١ ەوە  بووە ھۆکاری سەرەکی دروست بوونی ھاوپەیمانیەتی لە نێوان زیاتر لە ٣٦ وڵاتانی رۆژئاواو رۆژھەڵات لە دژی داگیرکردن و بەزاندنی سەروەری دەوڵەتی کوەیت لە لایەن رژێمی بەعسی لەناوچوو. بەو پێوەرە سیاسی و یاساییە دەبێت تورکیا بەداگیرکەر ئاژمار بکرێت لە پێشێلکردنی سەروەری خاکی عێراق، لەبەر ئەوەی حکومەتی تورکیا بە پێی یاسا نێودەوڵەتیەکان  تەنھا بۆی ھەیە سنوری خۆی بپارێزێ، بۆی نیە سنوری ووڵاتێکیتر ببەزێنێ.
لەگەڵ بوونی ئەم بنەما یاساییەیانەدا کەچی ڕۆژانە بەهۆی بەردەوامی پەلاماردانەکانی باشوری کوردستان، نیگەرانی و ترس و دڵە راوکێی لەلای ھاووڵاتیان و دانیشتوانی سۆران و برادۆست و باڵەکایەتی و بناری قەندیل دروستکردووە، ئەوەش لە کاتێکدایە، حکومەتی ھەرێم و  عێراق و کۆمەڵگەی نێودەوڵەتی بێ دەنگن لە بەرامبەر ئەو پەلامارانەهیچ سکاڵایەک ناجوڵێنن لەدژی دەست درێژیەکانی تورکیا،ئاشکرایە هەرێمی کوردستان تا ئێستاشی لەگەڵدابێت لەروی یاسایی یەوە سەر بە عێراقە کەواتە دەبێت ،ئەنجومەنی وەزیرانی عێراق وەزارەتی دەرەوەی عێراق راسپێرێت،بۆ ئەوەی سەرەتا نوسراوێکی نارەزایی ئامادە بکات پێشکەش بە ئەنجومەنی ئاسایش بکات سەبارەت بەوپێشێل کاری وسنوربەزاندنانەی رژێمی تورکیا کە بە ئاشکراو زۆر بێ شەرمانە سنوری عێراقی پێشێلکردووە،پاشان عێراق وەک هەر ووڵاتێکی تر دەتوانێت و مافی رەوای خۆیەتی هەموورێوشوێنێکی پێویست بگرێتەبەر دژ بەو دەست درێژیانەی تورکیا.بۆزیاتر جوڵاندنی ئەم کارە یاساییە و دژ بەم دەست درێژیەی رژێمی تورکیا،دەبێت نوێنەرانی کورد لە حکومەتی فیدراڵدا،هەموو توانای خۆیان بخەنەکارلەروی هەمو هاوکاریەکەوە کە پەیوەستە بەم دەست درێژیە نایاساییەی دەوڵەتی تورکیا،دەبێت رای گشتی جیهانی لێ ئاگاداربکرێتەوە، تانەتەوە یەکگرتوەکان ناچاربکرێن وبەفەرمی بێنەسەرخەت و رێگری لەم هێرشە وەحشیەگەراییەی ووڵاتی تورکیا بکرێت. 
بۆیە پێویستە لەسەر ئاستی هەرێمی کوردستانیش..بۆپاڵپشتی خەڵکی ڕاپەڕیوی دەڤەری شیلادزێ،پێویستە دانیشتوانی سەرجەم شارو شرۆچکەکانی هەرێم برژێنە سەرشەقامەکان و یاداشت بەرزکەنەوە بۆ بەردەم قونسڵخانەکان و بارەگای نەتەوەیەکگرتووەکان،مەترسی بارودۆخەکە بۆ ڕای گشتی جیهان بەیان بکرێت.

وتاری زیاتر

بوون بە ئەندام کۆنگرە بەرپرسیارێتیە

پارێزەر لوقمان مستەفا ساڵح

یەکەم هەنگاو بەرەو دیکتاتۆریەت

پارێزەر لوقمان مستەفا ساڵح

گرنگی پرۆژە یاسایەک بۆ دروستکردنی میدیای نیشتمانی

پارێزەر لوقمان مستەفا ساڵح

تورکیا و عێراق.. ڕێککەوتنامەی ١٩٧٨

پارێزەر لوقمان مستەفا ساڵح

چۆن سەرۆکێکمان دەوێ؟

پارێزەر لوقمان مستەفا ساڵح

مۆڵەتی شۆفێری لە نێوان سیستەم و یاسادا

پارێزەر لوقمان مستەفا ساڵح

ئەحمەد محەمەد سەعید

کرێکارو بڕیاری ژمارە 150

هاوکار فایەق

ئەردۆگان عوسمانییەكی ئیخوانی و ئیخوانییەكی عوسمانی

کەمال محەمەد

حكومڕانی و فیكری فاشیزم

سامان سنجاوی

پەروەردەو فێرکردن، خێزانەکان لە دۆخێکی خراپدا

مەلا بەختیار

تەكنەلۆژیای جەنگ.. ئاسایش و بەرگری نەهێشت!

شاناز هیرانی

رۆشنبیرییەکی پوکاوەو هۆشیاربونەوە بۆ دروستکردنی گۆڕانکاری

ماجد خەلیل

نهێنی هەڵکوتانە سەر باڵیۆزخانەی ئەمریکا لە بەغداد

کەمال محەمەد

جوگرافیای عێراق و گێژاوی ٢٠٢٠

سامان سنجاوی

راگەیاندنکارانی کوردستان و شەقامی ناڕازی بەغدا!

سامان یاروه‌یس

كەی داعش سەرهەڵدەداتەوە؟

ئەحمەد محەمەد سەعید

کرێکار لە یەکەم پڕۆگرامی یەکێتیدا

فوئاد مەجید میسری

فەتواكەی ئەنجومەنی باڵای فەتوا، لە كوێوە سەرچاوەی گرتووە؟!

بارزان شێخ عوسمان

لە بیرەوەریی دووشەممەی كۆستباری عیراق و كوردستاندا

ماجد خەلیل

رۆژی (ئاڵا) لەسایەی سەری بەرزی (شەهید هوجام) دا

د. ئازاد هەمەوەندی

جەلالیزم... بۆچی؟

مەلا بەختیار

كوردستان لە بەردەم دامەزراندنەوەی عێراقدا

کوردستان ئەحمەد

‎كوردەكانی بەریتانیا هەمان هەڵەی ئەمریكایان كرد

ئەحمەد محەمەد سەعید

چوارەمین کۆنگرەی یەکێتی و چارەنوسی کرێکاران

پارێزەر لوقمان مستەفا ساڵح

بوون بە ئەندام کۆنگرە بەرپرسیارێتیە

مەلا بەختیار

گەندەڵەكانی عێراق لە رۆژی گەندەڵیدا

رامان عوسمان

ئەو كاتەی ناهێڵن رێوەیە گەڕێك بەناوی تۆوە بێت!