وتار

نەوزادی موهەندیس

عێراق لەبەردەم دەرگای جەهەنەمدا !

• هەڵبژاردنی 12/5  و ئەنجامەكانی عێراقیان خستە بەردەم دووڕیانێكی مەترسیدار و یەكلایكەرەوە،بەوەی كە ئەوهەڵبژاردنە بوە هۆی دووكەرت بوون و دابەشبوونی سەركردە و پارتە سیاسیەكانی عێراق بەكوردستانیشەوە بۆ دوو بەرەی دژ بەیەك و ناكۆك،بەرەیەك كە خۆیان بە براوەی گەمە سیاسیەكە دەزانن و ئەنجامەكانیان قبوڵە و داوادەكەن كە دادگای فیدڕاڵی دانی پێدابنێت بۆئەوەی دەستبكەن بە گفتوگۆ بۆ پێكهێنانی حكومەتی ئایندەی عێراق. بەرەی دووەمیش بریتین لە دۆڕاوەكان وبەرەی دژ و ئەنجامەكان سەرتاپا ڕەتدەكەنەوە و خۆیان بە مەزڵوم دەزانن و داوا دەكەن یان هەڵبژاردن دووبارەبكرێتەوە یانیش دەنگەكان بەدەست ئەژمار بكرێنەوە بەو هیوایەی كە گۆڕانكاری لە ئەنجامەكاندا ڕووبدات وئەمانیش بتوانن بەهێزەوە بەشداری حكومەتی ئایندەی عێراق بكەن.
• بەم شێوەیە عێراق لە ئێستادا و دوای نزیكەی 40 ڕۆژ لە ڕاگەیاندنی ئەنجامەكان لەلایەن كۆمسیۆنی باڵای هەڵبژاردنەكانەوە كەوتۆتە دۆخێكی سیاسی ئاڵۆز و ناجێگیر و شڵەژاویەكی قوڵەوە كە ئومێدی زوو پێكهێنانی حكومەتی لێناكرێت،لەلایەك لەبەر دووری و ناكۆكی سیاسی كۆنی نێوان سەركردە و پارتە سیاسیەكان و لەلایەكیشی تریشەوە دووری و فراوانی نێوان بەرنامە و دیدگا و تێڕوانینی ئەو لایەنە سیاسیانەی عێراق لەسەر بەرنامە و كاری حكومەتی ئایندە ، بۆیە پێكەوەنانی هاوپەیمانی و كوتلەی گەورەی پەڕلەمانی زۆر ئەستەم بوە تەنانەت لە نێوان لیستە براوە گەورەكانیشدا و لەناو یەك مەزهەبی ئاینیشدا. هەموو ئەمانەش دەگەڕێتەوە بۆ پەرتەوازەیی نێو ماڵی  شیعەكان و سونەكان و كوردەكانیش و هەموانیش لە دیدگایەكی تەسكی حیزبایەتی بچوكەوە دەڕواننە مەسەلە گرنگەكان و هێندەی لەخەمی دەسكەوت و پلە و پۆست و ئیمتیازاتدان نیوهێندە لەخەمی نەتەوە و نیشتیماندا نین و هەریەكە گەرەكێتی گەورەترین بەشی بەربكەوێت.
• ئاشكرایە لەدوای 30/6/2018وە ماوەی یاسایی ئەم خولەی پەڕلەمانی عێراق كۆتایی دێت و ئیدی گەر تەمەنی خۆی درێژنەكاتەوە  ئەوا عێراق دەكەوێتە نێو بۆشاییەكی یاساییەوە و زەحمەتە بە ئاسانی كارەكان ڕێك بكرێنەوە و حكومەتیش دەبێتە حكومەتی كار بەڕێكەر و توانا و دەسەڵاتی بڕیاری گرنگ و چارەنوسسازی نامێنێت. ئەوكاتیش عێراق دەرگای جەهەنەمێگی پڕ ئاگر و سوتێنەری بەسەردا دەكرێتەوە و تەڕ و وشك پێكەوە دەسوتێنێت،چونكە دەوڵەت بونێكی مادی نامێنێت و داموزدەزگاكانیش مەرجەعێكی یاسایی و ئیداریان نامێنێت و وڵات دەبێتە پاشاگەردانی و سەرهەڵدانی میلیشیای چەكداری و تیرۆر و تۆقاندن و گەندەڵی و تاوان و هەموو دیاردە دزێوەكان سەرهەڵدەدەن و عێراق دەگەڕێتەوە بۆ چوارگۆشەی یەكەمی ساڵانی 2003 تا 2005 و هەڵایسانی شەڕی تایەفی و ئاینی و نەتەوەیی و ناوخۆیی. عێراق بەرەو وێرانبونی زیاتر و لێكترازان و جیابونەوەش هەنگاو دەنێت. ئەمە ئەو مەترسیانەیە كە ڕووبەڕووی عێراقی ئایندە دەبێتەوە ,گەر سەركردە و پارتە سیاسیەكان پەرۆشی و خەمخۆری خۆیان دەرنەبڕن لە زوو پێكەوەنانی حكومەتی ئایندەدا.چونكە ناوچەی ڕۆژهەڵاتی ناوەڕاست بۆخۆی بۆتە جێگەی ناكۆكی و ململانێ جیهانیەكان و بەتایبەتیش لەنێوان ئەمریكا و ئێراندا كە هەردووكیان خاوەن نفوز و هەژموونی گەورەن لە عێراقدا و تەواوی ململانێكانی خۆیان چڕكردۆتەوە لەناو عێراقدا و خاك و ئاو و گەلانی عێراقیان كردۆتە گۆڕەپانی ململانێكانیان و ئەنجامیش تەنها عێراقیەكان دەبنە سووتەمەنی. كێشەكانی نێوان عەرەب _ئیسڕائیل و كێشەی سوریا و یەمەن و وڵاتانی كەنداو و توركیا و..هتد.هەموو ئەمانەش دەبنە مەترسی بۆسەر عێراق و وا پێویست دەكات كە بۆ ڕووبەڕووبونەوەی هەموو ئەم مەترسیانە عێراق ببێتە خاوەن حكومەت و دەسەڵات و پەڕلەمانێكی بەهێزی وەها كە بتوانێت  بەرەنگاری و وەڵامی هەموو ئەو مەترسیانە بداتەوە،چونكە عێراق وڵاتێگی گەورە و گرنگ و دەوڵەمەندی ناوچەكەیە و هەموو ئەو ئاڵنگاریانە بەباش یان خراپ كاریگەریان دەبێت لەسەری.
• عێراق جگە لەم كێشە و ململانێ ناوخۆییانەی خۆی ، ڕووبەڕووی كێشە گەلێگی گەورەتر بۆتەوە لەگەڵ وڵاتانی ناوچەكە و بەتایبەتیش ئێران و توركیا بەوەی كەدەبێت وەڵامی هاتنە ناوەوەی سوپای توركیا بداتەوە و وەڵامی بڕین و گرتنەوەی ئاوی هەردوو ڕووباری دیجلە و زێی بچوك بداتەوە لەلایەن ئێران و توركیاوە كەهەموو ئەمانە پێشێلكردنی یاسا و ڕێكەوتنە نێودەوڵەتیەكانن و پێشێلكردنی سیادە و سەروەری عێراقن و ئەركی دەوڵەتی ناوەندیشن لە بەغداد نەك هەرێمی كوردستان.
• كوردیش لەم نێوەندەدا هەموو پڕیشك و ئازار و ململانێ‌ و ناكۆكیەكانی عێراقی بەردەكەوێت و كاریگەری زۆر خراپیشی لەسەر دادەنێن ،چونكە نێوماڵی كوردیش زۆر پەرتەوازە و ناڕێك و لێكترازاوە،گەرەكە سەركردە و پارتەسیاسیەكانیش زیاتر لەوانەی عێراق بەخەم و تەنگی كوردستانەوە بێن و هەوڵی ئاشتەوایی و لێكنزیكبونەوە و ڕێكخستنەوەی نێوماڵی كورد بدەن بۆئەوەی نەبنە سووتەمەنی هەموو ئەو ململانێ ناوچەیی و نێودەوڵەتیانە و بەرژەوەندی تەسكی حیزبایەتیش نەخەنە سەروو بەرژەوەندیە باڵاكانی نەتەوە و نیشتیمانەوە،گەرەكە كوردستان و كوردایەتی نەكەنە قوربانی چەند كورسیەكی پەڕلەمان و چەند دەسكەوتێكی كەموكورت لە بەغداد كە هیچ كاریگەری گەورەیان نابێت بۆ مەسەلەی كوردایەتی،بۆیە گەر ئەو پەرۆشیە نەنوێنن ئەوا بەدڵنیایی دەرگای جەهەنمێكی سووتێنەر بەسەر عێراق و كوردستاندا دەكرێتەوە و هەموانیش بێ‌ جیاوازی لێی بەرپرسیار دەبن.

وتاری زیاتر

حكومەتی ئایندەی عیراق لەنێوان بەرداشی (ئەمریكا)و (عەجەم)دا !

نەوزادی موهەندیس

بۆچی هەڵبژاردنی ئەم خولەی پەرلەمانی عیراق چارەنوسسازە؟

نەوزادی موهەندیس

دۆناڵد ترامپ سەرۆكە شێتەكە یان سەرۆكە ئازاكە؟

نەوزادی موهەندیس

لە نێوان (بەڵێ‌) و (نەخێر) دا
كامیان بۆ ریفراندۆم؟

نەوزادی موهەندیس

ریفراندۆم‌و هەڵوێستی یەكێتی نیشتیمانی كوردستان

نەوزادی موهەندیس

جۆری حوكمڕانییەكەی خۆمان لە كامە حوكمڕانییە؟

نەوزادی موهەندیس

بەرهەم كەڵهوڕی

پەیوەندی نێوان هۆشیاریی نەتەوەیی و داوا نەتەوەییەكان

لەتیف حسێن

حزب و ئاشتەوایی

عەزیز رەئوف

لە سوێندخۆرەکان سڵبکەنەوە

رێبوار ستار

با لەكاتی هەڵمەتی هەڵبژاردندا دوور بین لەناوزڕاندن

ئیسماعیل حه‌مه‌ئه‌مین

ئه‌قڵی پۆپۆلیستی و عه‌لمانیه‌ت بیۆگرافیاو بیرهێنانه‌وه‌یه‌كی كورت

ئازاد ئیبراهیم ئەحمەد

یەکێتی لەهەڵبژاردن دەترسێت؟

رزگار فایەق

هەڵبژاردنەكەی كوردستان، بە تامی كەلەڕەقییەكەی ریفراندۆم

مەلا بەختیار

چاودێری سایت؛ چۆن چاو ئەدێرێ‌!

رەمەزان شێخانی

تەنگەی هورمز، ڕێڕەوێكی باریك و كێشەیەكی فراوان

نەوزادی موهەندیس

عێراق لەبەردەم دەرگای جەهەنەمدا !

فەهمی بورهان

لە فەهمی بورهانەوە بۆ بەڕێز دکتۆر بەرهەم

پارێزەر نسار شیخ مستەفا

هۆشیاری سیاسی لای كۆمەڵانی خەڵكی

هەرمن ئەحمەد

گەمەی كورسی

هونەر رەسوڵ ئەحمەد

بەرهەم ساڵح، سیاسیەكی كورت بین

نەوزادی موهەندیس

حكومەتی ئایندەی عیراق لەنێوان بەرداشی (ئەمریكا)و (عەجەم)دا !

پارێزەر نسار شیخ مستەفا

هەڵبژاردن تاكە چارەنوسسازە

نەوزادی موهەندیس

بۆچی هەڵبژاردنی ئەم خولەی پەرلەمانی عیراق چارەنوسسازە؟

كاوسێن بابەكر

یەكێتی چۆن دەتوانێ ئەم دۆخە تێپەڕێنێ؟

ئیحسان شێخ علی عبدالعزیز

وەڵامێكی بێ‌ پەردە بۆ ئەو ئەمیرە زەردە

سەردار عبدالكریم عبداللە

هەوڵە چەواشەكارییەكان بۆ پفدانی دەنگدەران لە هەرێمی كوردستان

ئاشتی عەبدوڵڵا

فریشتەیەكی تێر .. لەسەردەمی برسێتیدا