قەدەغەی هاتوچۆ كاریگەری لەسەر سەردانەكەی پاپا بۆ عێراق نابێت

جیهان 20/02/2021

راوێژکاری سەرکۆماری عێراق، ئیسماعیل حەدیدی رایگەیاند، بڕیاری راگەیاندنی قەدەغەی ھاتوچۆ بەھۆی بڵاوبوونەوەی ڤایرۆسی کۆرۆنای نوێ (COVID-19، بەھیچ شێوەیەک کاریگەریی نابێت لەسەرسەردانەکەی پاپای ڤاتیکان، پاپا فرەنسیس بۆ عێراق.
ئیسماعیل حەدیدی لە لێدوانێکی رۆژنامەوانییدا سەبارەت بە پێشھاتی سەردانەکەی پاپای ڤاتیکان، پاپا فرەنسیس بۆ عێراق دوا و رایگەیاند کە سەردانەکەی پاپا فرەنسیس بۆ عێراق دواناخرێت و لە وادەی دیاریکراوی خۆیدا، ئەنجام دەدرێت و گوتی:
"ئامادەکارییەکان بۆ پێشوازیکردن لە پاپای ڤاتیکان بەردەوامە".
راوێژکاری سەرکۆماری عێراق، ئیسماعیل حەدیدی گوتیشی: "بڕیاری راگەیاندنی قەدەغەی ھاتوچۆ بەھۆی بڵاوبوونەوەی ڤایرۆسی کۆرۆنای نوێ، ، بەھیچ شێوەیەک کاریگەریی نابێت لەسەرسەردانەکەی پاپای ڤاتیکان، پاپا فرەنسیس بۆ عێراق".
چاوەڕوان دەکرێت پێنجی مانگی ئاداری داھاتوو پاپای ڤاتیکان، پاپا فرەنسیس سەردانی عێراق بکات.