پڕۆژەی گواستنەوەی مووچەی فەرمانبەرانی هەرێم درایە سەرۆكی لیژنەی دارایی پارلەمانی عێراق

ئابوری 26/11/2020


چاودێر
پڕۆژەی گواستنەوەی مووچەی فەرمانبەرانی هەرێم، بە فەرمی رادەستی سەرۆكی لیژنەی دارایی لەئەنجومەنی نوێنەران كرا.
د.رێبوار كەریم، پارلەمانتاری كورد لەبەغدا، رایگەیاند: بەنوێنەرایەتی ئەو پارلەمانتارانەی واژویان لەسەر پڕۆژەی گواستنەوەی مووچەی فەرمانبەران كردووە، بەمەبەستی تەواوكردنی رێكارە یاساییەكانی پڕۆژەی گواستنەوەی مووچەی فەرمانبەرانی هەرێم بۆ بەغداد، لەگەڵ سەرۆك و ئەندامانی لیژنەی دارایی پەرلەمانی عێراق كۆبوینەوە.
ئاماژەى بەوەشكرد: بە فەرمی پڕۆژەكە رادەستی سەرۆكی لیژنەی دارایی، د. هەیسەم جبوری و ئەندامانی لیژنە هەریەك لەئەحمەد حاجی رەشید، هۆشیار عەبدوڵا، د.جەمال كۆچەركرا، تا رێكارە یاساییەكانی تەواو بكرێت.
روونیشیكردەوە،"هەوڵەكانمان بۆ چارەسەر كردنی پرسی مووچەی فەرمانبەران لەبەغدادەوە بەردەوام دەبێت".