کوردستان

بەئاڵای کوردستان ناشرینیەکان دامەپۆشن

پێش 2 هەفتە

رێز لە پیرۆزیەکانی یەکتری بگرن
بڵێسە جەبار فەرمان
هەموو دونیا پێش ئەکەوێت عیراق پێشناکەوێ
خوا لە قورئاندا فەرموویەتی کە مرۆڤەکانی بە نەتەوەو قەبیلەی جیاواز دروست کردوە.
ھەر نەتەوەو گروپ و لایەنێک، کۆمەڵێک پیرۆزی ھەیە کە لەلایان ھێڵی سورە.
ئاڵای پیرۆزی کوردستان لای ئێمە ھێڵی سورە.
تکام لە ھەموو لایەک ئەوەیە کە یەکتر ئیستفزاز نەکەن. ھەموو کارێک کاردانەوەی ھەیە. لایەن و کەسایەتیە سیاسیەکان بۆ خواستی دەنگ و ھەڵبژاردن زۆر بابەت دروست دەکەن. لە ئێستاوە زەنگی موزایەدەو جوڵاندنی ھەستی لایەنگران و دروست کرنی دوژمنی وەھمی دەستی پێکردوە لە پێناو بەدەست ھێنانی کورسی پەرلەمانی.
باجی ئەم وازیانە ھاوڵاتیان دەیدەن.
ھەموو میلەت و نەتەوەو شوێنکەوتەی دین و ئاینزایەک کۆمەڵێک بابەتیان لا پیرۆز و ھێڵی سورە.
کۆمەڵگا بەجیاوازی و رێزگرتن لە جیاوازیەکان پێش ئەکەوێ. هەمو دونیا پێش ئەکەوێ عیراق پێشناکەوێ.
لەم حاڵەتەشدا با رێز لە بەرانبەر و بۆچون و ئینتمای یەکتری بگرین.