حزبە ئیسلامییەكان گەنجان لە دینداری دووردەخەنەوە
بەپێی راپۆرتی مۆنیتۆری ئەمریكی رێژەی دینداری گەنجانی عێراق بەشێوەیەكی بەرچاو كەمیكردووە و متمانەیان بە حزبە ئیسلامییەكان نەماوە.
راپۆرتەكە ئاماژەی بەوەشكردووە ئامادەبوون لە نوێژی هەینی لە 60% بۆ 33% دابەزیوە لە ماوەی پێنج ساڵى رابردوودا، ئەمەش زیادبوونێكی گەورە لە نەمانی متمانە بە حزبە ئیسلامییەكان دەردەخات لە 35% بۆ 20% لە 2013وە تا 2018.
تۆڕی بارومیتری عەرەبی بڵاویكردەوە رێژەی عەرەب كە خۆیان بە دوور لە ئاین هەژماركردووە، لە 8% لە 2013 بۆ 51% لە 2018 زیادیكردووە.
بەپێی راپرسییەكی تۆڕەكە، كە تۆڕێكی سەربەخۆی ناحزبییە، روانینی دیكە هاتوەتەئاراوە لە شەش وڵاتی عەرەبی ئەوانیش عێراق جەزائیر میسر لیبیا تونس و ئەردەنن.
شەپۆلی ناڕەزایەتییەكان لە عێراق و لوبنان متمانەی هاووڵاتیانی بە سەركردە سیاسییەكان كەمكردووەتەوە.
مایكل رۆنز بەڕێوەبەری تۆڕی بارومیتر عەرەبی وتی: چەقبەستوویی زۆر لە لای جەماوەری عەرەبی هەیە بەتایبەت نەوەی گەنجان كە ئۆپۆزسیۆنێكی بۆ حكومەت دروستكردووە.
وتیشی: خۆپیشاندان و ناڕەزایەتییەكان پاشەكشەی بە ئاین كردووە لای گەنجان و متمانەیان بە جوڵانەوە ئیسلامییەكان نەماوە و سیاسەتی لە ناوچەكە گۆڕیوە.
كچێكی 29 ساڵ دەڵێت ناچاربووە ببێتە حیجاب پێش دوو ساڵ بەڵام دواتر لای بردووە.
ئەو كچە كە چالاكەوانە لە هەرێمی كوردستان وتویەتی گیری خواردووە لەنێوان دایكێكی دیندار وباوكێكی عەلمانیدا، بۆیە كە سەفەری كردووە بۆ خوێندن و كەسی دیكەی ناسیون خۆی رزگاركردووە.
باسی لەوەشكردووە گرووپە ئیسلامییە توندڕ‌ەوكان لە عێراق بە تاوانەكانیان جیهانیان توشی شۆككرد بۆیە هەستی بە نیگەرانی كردووە لە روانینی خەڵكی بەرامبەری.
بەپێی راپۆرتێكی 2019 دابەزین هەیە لە ئیمانداری و متمانە لە حزبە ئاینیەكان لە سەرانسەری رۆژهەڵاتی ناوەڕاست و باكوری ئەفریقا.
نوری مالكی سەرۆك وەزیرانی پێشووی عیراق هۆشداری داوە بڵاوبونەوەی بێدینی لەنێو گەنجانی عێراق زیاتربووە كە موئامەرەیەكی مەترسیدارە.
سەرجەم حزبە ئیسلامییەكان لە كوردستان و عێراق لە ساڵانی دوای روخانی رژێمی سەدام لە گەندەڵییەوە تێوەگلاون لە رێگەی گەشتن بە دەسەلات و وەرگرتنی پلە و پۆستی باڵاو موچەی باڵاو دواتر خانەنشینی باڵا و دەستبەسەرداگرتنی موڵك و ماڵی گشتی بۆ خۆیان و كەسوكاریان.