گرنگی زینك بۆ گەشە و تەندروستی منداڵ
چاودێر:
زینك یەكێكە لە كانزا گرنگەكان بۆ تەندروستی مرۆڤ و بە تایبەت لە منداڵان چونكە :
۱ ـــ ڕۆڵێكی گرنگی هەیە لە گەشەی مناڵ و مێردمنداڵان لە باڵا و كێش و گەشەی ئێسقان و گەشەی كۆئەندامی زاوزێ ۰
۲ ـــ خێراكردنی پڕۆسەی نوێكردنەوەی خانەكانی پێست : بۆیە بەكاردێت بۆ چارەسەركردنی هەوكردنی پێست و سووتاوی و حەساسیەت و ئەكزیما ؛ و زیبكە و سووربوونەوە و سوتاوی بە هۆی تیشكی خۆرەوە ۰
۳ ـــ زۆر بە سوودە بۆ خانمانی دووگیان بۆ گەشەی كۆرپە و ڕێگری كردن لە نەخۆشی بۆماوەیی و لەدایك بوونی پێش وەختەی كۆرپە ۰
٤ ـــ ڕۆڵی هەیە لە كارلێكی ناوخانەكان و ڕاگرتنی ئاستی ئاسی شەكر لە خوێن ۰
٥ ـــ بەهێز كردنی بەرگری ( مەناعەی ) لەش ۰
٦ ـــ یارمەتی ڤیتامین Aی دەدات لە پێكهانی توێژاڵی میلانین لە چاو كە زۆر گرنگە بۆ بینین ۰
۷ ـــ زیاتر لە ۲۰۰ ئەنزیم هەیە لە ناو جەستە كە پێویستیان بە زینكە تا بە باشی كار بكەن ۰
* نیشانەكانی كەمی ماددەی زینك لە منداڵان :
۱ ـــ دواكەوتنی گەشەی مناڵ لە كێش و باڵا و توانای فێربوون و ۰۰۰ هتد ۰
۲ ـــ بێهێزی كۆئەندامی بەرگری لەش و زوو زوو نەخۆش كەوتن و دووبارەبوونەوەی پەتا و هەڵامەت ۰
۳ ـــ كەمی ئیشتها و كەمی كێش ۰
٤ ـــ بێهێزی توانای بۆن كردن و تام كردن ۰
٥ ـــ دابەزینی ئاستی بینین لە شەودا ۰
٦ ـــ خەمۆكی و دڵتەنگی لە منداڵان ۰
* گرنگترین سەرچاوە خۆراكییەكان :
۱ ـــ گۆشتی مەڕ و مانگا و قەل ۰
۲ ـــ سپێناخ و دومەڵان ۰
۳ ـــ نیسك و نۆك و پاقلەمەنیەكان ۰
٤ ـــ ناوكی كەتان و شووتی و كولەكە و دەنك و زەیتی شمڵی ۰
٥ ـــ فەریكەنۆك ، مزرەسێو ، هەرمێ ، هەڵوژەی سەوز ، ئۆڤۆگادۆ ۰
٦ ـــ هێلكە و شیر ۰
سەرچاوە:د.كامەران رسوڵ
پسپۆڕی زانستی خۆراك