شەپۆلێکی گەرما ڕوو لە هەرێمی کوردستان دەکات

ژینگە 29/08/2020

چاودێر

 

كەشناسیی هەرێم پێشبینی دەكا لە ئەمڕۆ شەممەوە شەپۆلێكی گەرما هەرێمی كوردستان بگرێتەوە و زیاتر لە هەفتەیەكیش بخایەنێت.


بەشی پێشبینی لە بەڕێوەبەرایەتیی گشتیی كەشناسی و بوومەلەرزەزانیی هەرێمی كوردستان لە راگەیەندراوێكدا ئاشكرای كرد: لە ئەنجامی هاتنی شەپۆلێکی گەرما بۆ هەرێمی کوردستان و عێراق پێشبینی دەکرێ لە ئەمڕۆ شەممەوە پلەکانی گەرما ڕوو لە بەرزبوونەوە بكەن.


كەشناسیی هەرێم پێشبینیی خۆی بۆ بەرزترین پلەكانی گەرمای ناوچە جیاجیاكانی باشووری كوردستان بەم شێوەیە خستووەتە ڕوو:


هەولێر 42-44 پلە
سلێمانى 41-42 پلە
دهۆک 40-42 پلە
هەڵەبجە 41-43 پلە
کەرکوک 45-46 پلە


هەروەها پێشبینیشی كردووە كە شەپۆلەكە زیاتر لە یەك هەفتە بخایەنێت.