کوردستان

قەرەیلان نهێنی پشت هێرشەکانی تورکیا بۆ شارباژێڕ و ناوچەکانی یەکێتی ئاشکرادەکات

01/07/2020

چاودێر:

قەرەیلان فەرماندەی بڕیارگەی ناوەندی نەپەگە، نهێنی پشت هێرشەکانی تورکیا بۆ هەرێمی کوردستان و ناوچەکانی شارباژێڕ ئاشکرادەکات.

موراد قەڕەیلان فەرماندەی بڕیارگەی ناوەندی پاراستنی گەل (نەپەگە) بە ڕادیۆی دەنگی وڵاتی ڕاگەیاند، تورکیا ئەو هێرشانە لەسەر بناغەی پیلانێک بەڕێوەدەبات. واتە دەوڵەتی تورکیا لە سلێمانی تا شەنگال و کۆبانێ بێواتە هێرش ناکات. هێرشی پیلانبۆدارێژراون. ئاسایی نین. ئامانجی سەرەکییان ترساندنی کۆمەڵگای کورد و دیلگرتنی کۆمەڵگایە. بەم شێوەیە دەیانەوێت لەسەر سێ پارچەی کوردستان سەردەست بن. نە تەنها لە باکووری کوردستان دەیەوێت لە باشوور و ڕۆژئاواش سەردەست بێت. واتە ئامانجی گشتی بەم شێوەیەیە.

ئاماژەى بەئەوەشدا، لە ڕێگەی ئەو هێرشانەوە دەیەوێت گەلی هەرێمەکە بترسێنێت و ئاوارەیان بکات. بۆ نمونە بە ئەنقەست هێرش دەکاتە سەر دەرکار و گوندەکانی دەوروبەری. بە چاوترساندنی گەل دەیەوێت گوندەکان چۆڵ بکات. بەم شێوەیە دەیەوێت کارەکەی ئاسان بکات و کێ لە هەرێمەکە بجووڵێتەوە یەکسەر لێی بدات."
قەڕەیلان باسی ئەوەشی کرد، بەم جۆرە ڕێبازانە دەیانەوێت ناکۆکی لەنیوان سیاسەتی کوردستاندا دروست بکەن و لەبەرامبەر یەکتری بووەستنەوە و بەم شێوەیە هەوڵی تێکدەری دەدەن,

 وتیشی:"بۆ نمونە لە هەرێمەکانی ژێر کۆنتڕۆڵی یەنەکە هێرش دەکەن و بەم شێوەیە دەیانەویت ناکۆکی دروست بکەن. بە تایبەتی ئێمە واتە پەکەکە دەکەنە بیانوو و هێرش دەکەن. ئێمە لە شارباژێر و ناوچەکانی تر نین. بەڵام دەبینرێت کە پژاک دەکرێتە ئامانج. واتە هێزەکانی ڕۆژهەڵاتیشیان خستووەتە ناو لیستەکەیاندا. بەم شێوەیە دەیانەوێت لە نێوان هێزەکانی کوردستاندا ناکۆکی دروست بکەن. لەنیوان، پەکەکە و یەنەکە هەروەها پەکەکە و پەدەکەدا ناکۆکی دروست بکەن. پلانەکە بەم شێوەیەیە. دەیانەوێت لەنێوان هێزە کوردیەکاندا شەڕ هەڵگیرسێنن”.