محەمەد دوشیوانی: گرنگە دۆخی ئەمنی ناوچەدابڕێندراوەكان لەگەڵ بەغدا تاوتوێ بكرێن
چاودێر: لێپرسراوی مەڵبەندی كەركوكی یەكێتیی نیشتمانیی كوردستان جەختدەكاتەوە، پێویستە كۆی تەواوی كێشەكان لەگەڵ بەغدا تاوتوێ بكرێن و دۆخی ئەمنی ناوچە دابڕێندراوەكان بەتایبەت كەركوك و خانەقین لەبەرچاوبگیرێن.
محەمەد دوشیوانی لێپرسراوی مەڵبەندی كەركوكی یەكێتیی نیشتمانیی كوردستان، تایبەت بۆ چاودێر" ووتی: زۆر گرنگە هەرێمی كوردستان لەرووی ئەمنی و كێشە ئەمنیەكانی كەركوك، لەگەڵ بەغدا تاوتوێ بكات، لەبەر ئەوەی ناكرێت هەر باسی موچە بكرێت و كێشە ئەمنیەكانی سنوری ناوچە دابڕێندراوەكان بەتایبەت كەركوك و خانەقین وەلاوە بنرێت.
رونیشكردەوە: راستە كێشەی موچەو بودجە گرنگەو پەیوەندی بەژیانی هاووڵاتیانەوە هەیە، بەڵام كێشە ئەمنیەكانیش گرنگی خۆیان هەیە و دەبێت لەگەڵ بەغدا تاوتوێبكرێن و دۆخی ئەمنی ئەو ناوچانە توندوتۆڵتر بكرێت.