جیهان

لە 24 كاتژمێری رابردوودا 110هەزار تووشبوو بەكۆڕۆنا تۆماركراوە

24/05/2020


ئێوارە ئەمرۆ رێكخراوی تەندروستی جیهانی بڵاویكردەوە لەماوەی 24 كاتژمێری رابردوودا 110 هەزار تووشبووی نوێ بەكۆڕۆنا ڤایرۆس لە وڵاتانی جیهان تۆماركراوە.
بەگوێرەی داتایەكی نوێی رێكخراوی تەندرووستی جیهانی لەماوەی 24 كاتژمێری رابردوودا 109 هەزارو 885 تووشبووی نوێ بەڤایرۆسی كۆرۆنا تۆماركراوە بەوەش ژمارەی تووشبووان تا ئێستا گەیشتوەتە 5ملیۆن و 206هەزارو 614 تووشی پەتای كۆرۆنا هاتوون.
ئاماژەی بۆ ئەوەش كردوە لە ماوەی 24 كاتژمێری رابردوودا 5هەزارو 625 تووشبوو گیانی لەدەستداوەو بەوەش ژمارەی ئەو كەسانەی تا ئێستا بەهۆی كۆرۆنا ڤایرۆسەوە گیانیان لەدەستداوە گەیشتوەتە 337هەزارو 736 كەس
لەپاڵ زیانە گیانیەكان ڤایرۆسی كۆرۆنا زیانێكی گەورە گەیاندوەتە كەرتی ئابوری وبەتایبەت لە بواری گواستنەوەو گەیاندن  گەشتیاری و دابەزینی بۆرسەو بازاڕی ووزە.