لەكەلار دوو تیرۆرست دەستگیركران
چاودێر: دەزگای هەواڵگری عیراق بەهاوكاری هێزەكانی ئاسایشی ناوچەكە دوو تیرۆرستی داعش لەقەزای كەلار دەستگیردەكرێن.
بەڕێوبەرایەتی دەزگای هەواڵگری عیراق، ئاشكرایكردوە:" بەهاوكاری هێزەكانی ئاسایشی پارێزگای سلێمانی، دەزگای هەواڵگری عیراق سەربە وەزارەتی بەرگری، دوو تیرۆرستیان لەقەزای كەلار دەستگیركردوە".
رونیشكراوەتەوە:" ئەو دوو تیرۆرستە وردەكاری و جموجۆڵی هێزە ئەمنیەكان وەكو زانیاری بۆ تیرۆرستان ناردوە".
ئەوەش خراوەتەڕوو:" ئەو دوو تیرۆرستە پێشتر بڕیاری دەستگیركردنیان هەبووەو لەلایەن دەزگای هەواڵگری بابلەوە زانیاری وردیان لەسەر تۆماركراوە".