داعش بەپیلانێكی نوێ لەم ناوچەدا بڵاو دەبێتەوە
عێراق 16/02/2020
چاودێر: لەماوەی 40 رۆژدا داعش بەهەموو شێوەیەك هەوڵدەدات لەسنوری پارێزگای دیالەو خورماتوو چەند ناوچەیەكی تر ترس لەناو دڵی خەڵك دروست بكات و كردەوەی جۆراجۆری تیرۆرستی ئەنجام بدات.
عەباس ئەحمەد چالاكوان لەسنوری حەمرین، لەدیالە بە چاودێر"ی وت: داعش ئێستا لەرێگەی چەند مەفرەزەیەكەوە لەسنورەكانی دیالەو سەڵاحەدین و كەركوك بڵاوەیان كردوە.
وتیشی: پیلانی نوێیان داناوەو لەلایەن شانە نوستووەكانیانەوە هاوكاری دەكرێن و یەكێك لەئامانجەكانیان بەدەسهێنانی پارەیەكی زۆرە بۆ بەهێزكردنی دارایی خۆیان.
رونیشكردەوە: خەڵك دەڕفێنن و دواتر داوای پارەیەكی زۆر دەكەن، یان لەسەر رێگەی هێزە ئەمنیەكان وەك كاری هەمیشەیان بۆمب دەچێنن.
ئاماژەی بەوەشدا: ئەو دۆخە سیاسیە ئاڵۆزەی عیراق هاوكاری سەرەكی داعش بووە.