هاوپەیمانان ١٠٠ بارهەڵگر هاوکاریی سەربازییان گەیاندە ڕۆژئاوای کوردستان
چاودێر
سەرەڕای بڕیاری کشانەوەی هێزەکانی ئەمەریکا لە ڕۆژئاوای کوردستان، بەڵام هاوپەیمانێتیی نێودەوڵەتیی دژ بە داعش بەردەوامە لە ناردنی هاوكاری بۆ هێزەكانی سوریای دیموكرات (هەسەدە) و لە دوو ڕۆژی ڕابردوودا كاروانێكی دیكەی سەربازیی گەیاندووەتە حەسەكە و دێرزور.
ڕوانگەی سوری بۆ مافەكانی مرۆڤ ئاشكرای كردووە، هاوپەیمانێتیی نێودەوڵەتی كاروانێكی دیكەی سەربازیی، كە لە 100 بارهەڵگر پێك هاتووە و كەلوپەلی لۆجستی و سەربازی لەخۆ دەگرێت، ڕەوانەی ناوچەكانی ژێر دەستی هێزەكانی هەسەدە لە ڕۆژئاوای كوردستان كردووە.
ڕوانگەی سوری ئاماژەی بەوەش كرد، كاروانەكە لە پارێزگاكانی حەسەكە و دێرەزوور جێگیر دەكرێن، كە لە هەردوو پارێزگاكە كێڵگەی نەوت بوونی هەیە.