فەتح دانانی سیستمی پاتریۆتی ئەمریكی رەتدەكەنەوە

عێراق 23/01/2020

چاودێر: ئەندامێكی ئەنجومەنی نوێنەرانی عیراق لەهاوپەیمانی فەتح، دانانی سیستمی بەرگری ئاسمانی پاتریۆت لەلایەن ئەمریكا لەناو خاكی عیراق رەتدەكاتەوە.

كەریم علیۆی ئەندامی ئەنجومەنی نوێنەرانی عیراق لەهاوپەیمانی فەتح رایگەیاندوە:" دانانی سیستمی دژە موشەكی پاتریۆت لە لایەن ئەمریكاوە لەناو خاكی عیراق رەتدەكەینەوە، بەزاندنی سەروەری خاكی عیراقە".

رونیشكردوەتەوە:" دواهەمین بڕیاری ئەنجومەنی نوێنەرانی عیراق لەسەر دەركردنی هێزەكانی ئەمریكا لەناو خاكی عیراق روونە، پەرلەمان نوێنەرایەتی گەلانی عیراق دەكات".

باسی لەوەشكردوە:"  ئێستا یاریەكە لە گۆڕەپانی حكومەتە، ئەوان دەبێت هێزەكانی ئەمریكا لەناو خاكی عیراق دەربكەن، لەبەر ئەوەی بوونی ئەو هێزانە یاسایی نیەو بەزاندنی سەروەری خاكی عیراقە".