ڕۆمانە تازەکەی ئەتوود لە هەر چوار چرکەیەکدا کۆپییەکی لێ دەفرۆشرێت
ڕەخنەی
چاودێر
"وەسیەتەکان"
تازەترین ڕۆمانی مارگارێت ئەتوودە و لە ماوەی یەک حەفتەدا ١٠٠ هەزار کۆپیی لێ
فرۆشراوە.
گاردیان بڵاوی کردەوە:
ئامارەکانی فرۆش نیشانی دەدەن، ڕۆمانە تازەکەی ئەتوود- نووسەری کەنەدی، کە درێژەی
ڕۆمانی "سەربووردەی کەنیزەک"ـە، لە هەر چوار چرکەیەکدا کۆپییەکی لێ
فرۆشراوە.
ڕۆمانی "سەربووردەی
کەنیزەک" پاش تیرۆری "سەرۆکی ئەمەریکا" بە گوللـە و کوژرانی
سەرجەمی ئەندامی کۆنگرەی شۆڕشگێڕی لە وڵاتدا ڕوو دەدات، کە تێیدا یاسای فەرمیی
وڵاتەکە هەڵدەوەشێتەوە، حکوومەتێکی دیکە بە ناوی "گیلیاد" دادەمەزرێت و
تێیدا مافی ژنان پێشێل دەکات.
پڕۆفرۆشیی ڕۆمانی
"وەسیەتەکان" وای کردووە پاش ٣٤ ساڵ، بەشی یەکەمی ڕۆمانەکەش کە
"سەربووردەی کەنیزەک"ـە، بێتەوە ناو ناوان و ببێتە دووەم پڕۆفرۆشترین.
بیا کارلۆ بەڕێوەبەری
کڕینی ڕۆمان لە کتێبفرۆشیی وەتراستۆنز دەڵێت: چاوەڕێ دەکەین وەسیەتەکان گرنگترین
ڕووداوی چاپ لە ساڵی ٢٠١٩ دەرچێت.
هەروەها چاوەڕێ دەکرێت
"وەسیتەکان" خەڵاتی مان بووکەری ئەمساڵ بەرێتەوە، چونکە کاندیدە.