باشترین ڕێگە بۆ نەهێشتنی كیسی هێلكەدان
چاودێر: تابان رەزا
كیسی هێلكەدان یەكێكە لەهەرە نەخۆشییە باوەكانی ناو خانمان، ئەمەش لەئەنجامی تێكچونی هۆڕمۆنات دروست دەبێت و دەبێتەهۆی تێكچونی سوڕی مانگانە و دەركەوتنی مووی زیادە لەشدا، لەوبارەیەو ە پزیشكێكی پسپۆڕ، دەڵێت" گرنگترین چارەسەر بۆ نەمانی كیسی هێلكەدان دابەزاندنی كێشە لەرێگەی وەرزشكردنەوە"
كیسی وردی هێلكەدان (PCOS)
د.هاژە جلال ،پسپۆڕی نەخۆشیەكانی ژنان و منداڵبون و نەزۆكی، ئاماژەبەوەدەكات، كیسی ووردی هێلكەدان لە خانماندا درووست دەبێت لە ئەنجامی تێكچوونی هۆرمۆنات، لە تەمەنی باڵق بوونەوەیە تا تەمەنی نا ئومێدیە، كەئەمەش دەبێتەهۆی:
1-تێكچوونی سوڕی مانگانە.
٢-بەرزبوونەوەی ڕێژەی هۆڕمۆنی نێرینە ( ئەندرۆجین ) كە دەبێتە هۆی دەركەوتنی مووی زیادە، چەوری پێست و زیپكە.
٣-هەڵئاوسانی هێلكەدانەكان لە سۆنەردا.
ماكەكانی ئەم نەخۆشییە
ئەو پزیشكە پسپۆڕە، باسی لەوەشكرد، ئەم نەخۆشیە كۆمەڵێك ماكی هەیە لەوانە نەزۆكی و لەبارچوون و مناڵبوونی پێشوەخت و تووشبوون بە نەخۆشی شەكرەی جۆری دوو، هەروەها بەرزبوونەوەی ڕێژەی چەوری خوێن و پەستانی خوێن و نەخۆشی دڵ و خەمۆكی، شێرپەنجەی منداڵدان و پووكانەوەی ئێسك.
چارەسەرەكان
د. هاژە جەلال، دەڵێت" كێش دابەزاندن كە گرنگترین چارەسەرە لە ڕێگای وەرزشكردن و پارێزكردنی چەوری و شیرینی، بەكارهێنانی حەبی شەكرە ( metformin ) لە ژێر چاودێری پزیشكدا و چارەسەری هۆڕمۆنێ بۆ ڕێككردنەوەی سوڕی مانگانە و مووی زیادە"