پەرلەمانی عێراق کار بۆ وەرگرتنەوەی متمانە لە پێنج وەزیری حکومەت دەکات
عێراق 26/06/2019
چاودێر
لیژنەکانی پەرلەمانی عێراق
هەوڵەکانیان چڕ کردوونەتەوە بۆ سەندنەوەی متمانە لە پێنج وەزیری کابینەکەی عادل
عەبدولمەهدی و یەکێک لەوانیش فوئاد حسێن، وەزیری دارایی عێراقە لە پشکی پارتی
دیموکراتی کوردستان.
ڕیاز مەسعودی، پەرلەمانتاری
فراكسیۆنی سائیرون لە پەرلەمانی عێراق ڕایگەیاندووە، پەرلەمانتاران لە ئارادان بۆ
لەكارخستنی 5 وەزیری كابینە وەزارییەكەی عادل عەبدولمەهدی.
وتوشیەتی: "ژمارەیەك لە
پەرلەمانتارانی عێراق، واژۆی پەرلەمانتارەكانیان كۆ كردووەتەوە بە مەبەستی لەكارخستنی
5 وەزیر لە كابینە وەزارەییەكەی عادل عەبدولمەهدی."
وەزیرەکانیش هەر یەک لە: نەعیم
ڕوبەیعی، وەزیری گەیاندن و پەیوەندییەكان، لوئەی خەتیب، وەزیری كارەبا، فوئاد حسێن،
وەزیری دارایی، سامر غەزبان، وەزیری نەوت و محەمەد عانی، وەزیری بازرگانیە.
ئەو پەرلەمانتارە وتیشی ئەو
وەزیرانە لە پرسی گەندەڵییەوە گلاون بۆیە لێپرسینەوەیان لەگەڵ دەکرێت.
وا بڕیارە لە هەفتەی
داهاتوودا ئەو وەزیرانە بانگهێشتی پەرلەمانی عێراق بکرێن.