لەبەرئەم مەترسیانە، نابێت بوتڵی ئاو بخرێتە فرێزەرەوە
چاودێر: تابان رەزا
خەڵك لە وەرزی هاوین وەها ڕاهاتوون بوتڵە ئاو یان هەر شلەیەكی تر بێت لەناو بوتڵە نایلۆنەكاندا دەیخەنە ناو فرێزەرەوە تا پلەی بەستن، ئەندازیارێكی خۆراكیش و ئەمە بە كارێكی ناتەندروست دادەنێت، داوا لە هاوڵاتیان دەكات خۆیان لەبەكارهێنانی ئەم بوتڵە نایلۆنانە بگرن، چونكە دەبێتەهۆی دەرچونی مادەی ژەهراوی (دایۆكسان) و تێكەڵ بە ئاوەكە دەبێت.
بۆچی نابێت بوتڵی ئاو بخرێنە سەلاجەوە؟
نابێت ئاوی دەبەی نایلۆن بكەینە ناو موجەمیدە یان ناو فرێزەری سەلاجە تا پلەی بەستانیان ، لەبەرئەوەی لێكۆڵینەوەیەكی كەنەدی دەریخستوە ئەگەر مادەی نایلۆن و پلاستیك بیكەیتە شوێنێكەوە بیبەستێت ، ئەوا دەبێتە هۆی دەرچوونی مادەی (دایۆكسان) كە مادەیەكی ژەهراوییە و لە نایلۆنەكەوە تێكەڵ بە ئاوەكە دەبێت و ئێمەش زۆر بە ئاسایی دادەنێین و دواتر دەیخۆینەوە .
دایۆكسان مادەیەكی ترسناكە ئەگەری تووشبوون بە نەخۆشی شێرپەنجە زیاد دەكات، بە تایبەتی شێرپەنجەی مەمك ، بۆیە دەبێت خــۆمان بپارێزین لە هەڵگــرتنی بوتڵی ئاوی خواردنەوەكان لەناو بەفرگرو شوێنە زۆر ساردەكان و بیبەستێت ، وا باشترە لە بری پلاستیك شووشە یاخود ماددە سیرامییەكان بەكاربهێنرێت .
سەرچاوە: لەشكر حەمید
ئەندازیاری خوراك