پارتی خۆی بۆ یەكلاكردنەوە لەگەڵ یەكێتی ئامادە دەكات
چاودێر
بەرپرسێكی باڵای پارتی دیموكراتی كوردستان رایگەیاند، سەبارەت بەپێكهێنانی كابینەی نوێی حكومەتی هەرێم، ئەم هەفتەیە لەگەڵ یەكێتییدا یەكلایی دەكەینەوە.
فازڵ میرانی، سكرتێری مەكتەبی سیاسی پارتی، لەلێدوانێكی رۆژنامەوانیدا، ئاماژەی بەوەكرد: زیاتر لە (90٪)ی كێشەكانی پێكهێنانی حكومەتی نوێ چارەسەر كراون.
ناوبراو، وتیشی"دیاركردنی كات بۆ پێكهێنانی حكومەت راست نییە، چونكە تەنیا لەنێوان بەڵێندەران و حكومەتەكاندا كات دیاریدەكرێت".
میرانی، روونیشیكردەوە، "لەبارەی پێكهێنانی كابینەی نوێی حكومەتی هەرێم، ئەم هەفتەیە لەگەڵ یەكێتی هەموو شتەكان یەكلایی دەكەینەوە".
.